Vientiane Times Lao
ສາລະວັນກະກຽມ​​ຫຼາຍ​ດ້ານ​ເພື່ອ​ຮອງ​ຮັບ ​ຜູ້​ຕິດ​ເຊື້ອ​ພະ​ຍາດ​ໂຄວິດ-19

ສາລະວັນກະກຽມ​​ຫຼາຍ​ດ້ານ​ເພື່ອ​ຮອງ​ຮັບ ​ຜູ້​ຕິດ​ເຊື້ອ​ພະ​ຍາດ​ໂຄວິດ-19

ພະ​ແນກ​ສາ​ທາ​ລະ​ນະ​ສຸກແຂວງສາລະວັນແຈ້ງໃຫ້​ຮູ້​ວ່າ: ອຳ​ນາດ​ການ​ປົກ​ຄອງ​ແຂວງສາ​ລະ​ວັນກຽມ ຄວາມພ້ອມ ຫຼາຍດ້ານເພື່ອຮອງຮັບຜູ້​ຕິດ​ເຊື້ອ ​ພະ​ຍາດ​ ໂຄວິດ-19 ທີ່​ເລີ່ມ​ເພີ່ມ​ຂຶ້ນ​ເປັນ​ຈຳ​ນວນ​ຫຼາຍ​ໃນ ​ແຕ່​ລະ​ວັນ ຈາກ​ແຮງ​ງານ​ລາວທີີ່ກັບ​ຄືນປະ​ເທດ.

ທ່ານ ດຣ ວົງດາວ ສຸລິນທາ ຮອງຫົວໜ້າພະແນກສາທາລະນະສຸກ ທັງເປັນກອງເລຂາຄະນະສະເພາະກິດເພື່ອ​ປ້ອງ​ກັນ,

ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແຂວງສາ​ລະ​ວັນແຈ້ງໃຫ້ຮູ້ວ່າ:

ປະຈຸບັນ ແຂວງສາລະວັນແມ່ນໄດ້ກຽມຄວາມພ້ອມຫຼາຍດ້ານເພື່ອ​ຮອງຮັບ​ຜູ້​ຕິດ​ເຊື້ອ​ພະ​ຍາດ​ໂຄວິດ-19

ທີ່​ອາດ​ຈະ​ເພີ່ມ​ຂຶ້ນ​ຫຼາຍ​ຄື​ກັບ​ແຂວງ​ຈຳ​ປາ​ສັກ ແລະ ແຂວງ​ສະ​ຫວັນ​ນະ​ເຂດ ເຊັ່ນ:

ດ້ານບຸກຄະລາກອນ ແພດໝໍ-ພະຍາບານ, ສະ​ຖານ​ທີ່​ປິ່ນ​ປົວ, ສູນ​ຈຳ​ກັດ​ບໍ​ລິ​ເວນ,

ອຸປະກອນການແພດ ແລະ ອື່ນໆ ໂດຍ​ໄດ້ກໍານົດເອົາໂຮງຮຽນຊົນເຜົ່າແຂວງສາລະວັນ ເປັນສູນລວມ

ແລະ ທັງເປັນໂຮງໝໍພາກສະໜາມ ເພື່ອປິ່ນປົວຜູ້ຕິດເຊື້ອ​ພະ​ຍາດໂຄວິດ-19  ແລະ ​ເປັນ​ສະ​ຖານ​ທີ່ຈຳກັດບໍລິເວນແຮງງານລາວ ​ໂດຍສາມາດຮອງຮັບໄດ້ 300 ຕຽງ.

ນັບແຕ່ວັນທີ 13-21 ກໍລະກົດ 2021 ເປັນຕົ້ນມາ ຫຼື ພຽງ 9 ວັນ, ແຂວງ​ສາ​ລະ​ວັນມີຜູ້ຕິດເຊື້ອໂຄວິດ-19 ແລ້ວຈຳນວນ 51 ຄົນ, ສ່ວນ​ຫຼາຍ​ເປັນ​ກໍ​ລະ​ນີ​ນຳ​ເຂົ້າ.

 ຂ່າວ: ​ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ