Vientiane Times Lao
ສ ປປ ລາວຈະເປັນ​ເຈົ້າພາບຈັດການ​ແຂ່ງຂັນ​ເພາະ​ກາຍ​ຊີງ​ແຊັມ​ອາ​ຊຽນ ຄັ້ງ​ທີ 17

ສ ປປ ລາວຈະເປັນ​ເຈົ້າພາບຈັດການ​ແຂ່ງຂັນ​ເພາະ​ກາຍ​ຊີງ​ແຊັມ​ອາ​ຊຽນ ຄັ້ງ​ທີ 17

ເປັນຄັ້ງທຳອິດທີ່ ສປປ ລາວ ກໍຄື ສະຫະພັນເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບຈັດການແຂ່ງຂັນເພາະກາຍຊີງແຊັມອາຊຽນ ຄັ້ງທີ 17 (South East Asian 17th Bodybuilding and Physique Sports Championships) ຄາດວ່າຈະຈັດຂຶ້ນໃນລະຫວ່າງວັນທີ 11-16 ມິຖຸນາ ປີ 2020 ທີ່ນະຄອນຫຼວງວຽງຈັນ.

ສະຫະພັນເພາະກາຍແຫ່ງຊາດລາວ ຢືນຢັນເມື່ອວັນທີ 7 ມັງກອນ 2020 ວ່າ: ສະຫະພັນເພາະກາຍອາຊຽນ ໄດ້ມອບໝາຍໃຫ້ສະຫະພັນເພາະກາຍແຫ່ງຊາດລາວ ເປັນເຈົ້າພາບຈັດການແຂ່ງຂັນເພາະກາຍຊີງແຊັມອາຊຽນ ໂດຍ ຜ່ານການຕົກລົງເຫັນດີໃນກອງປະຊຸມໃຫຍ່ປະຈຳປີ ຂອງສະຫະພັນເພາະກາຍອາຊີ (Asian Bodybuilding and Physique Sports Federation) ທີ່ປະເທດອິນໂດເນເຊຍ ເມື່ອເດືອນກັນຍາປີ 2019 ກ່ອນທີ່ທາງສະຫະພັນເພາະກາຍອາຊຽນ ຈະສົ່ງໃບແຈ້ງການໃຫ້ກັບທາງສະຫະພັນເພາະກາຍແຫ່ງຊາດລາວ ໃນ​​ວັນທີ 2 ມັງກອນ 2020.

ການເປັນເຈົ້າພາບງານຄັ້ງນີ້ ຈະເປັນປະໂຫຍດ​​ໃນການຊຸກຍູ້-ສົ່ງເສີມບຸກຄະລາກອນເພາະກາຍລາວ ເປັນຕົ້ນຄູເຝິກ, ນັກກລາ, ກຳມະການຕັດສິນ ແລະ ວິຊາການດ້ານຕ່າງໆ ເພື່ອຍົກລະດັບ ແລະ ບົດບາດຂອງຕົນເອງໃນເວທີພາກພື້ນ ແລະ ສາກົນ.

ຂ່າວ: ບົວຜັນ

ພາບ: ສະຫະພັນກິລາເພາະກາຍແຫ່ງຊາດລາວ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ