Visit BigblueAgency
 ສ ເກົາຫຼີ ມອບລົດສົ່ງຄົນເຈັບ 17 ຄັນ ໃຫ້ ສປປ ລາວ

 ສ ເກົາຫຼີ ມອບລົດສົ່ງຄົນເຈັບ 17 ຄັນ ໃຫ້ ສປປ ລາວ

ສະມາຄົມສິລະປະ ແລະ ແລກປ່ຽນວັດທະນະທຳແຊຣິງ ຮ່ວມກັບສະຖານີປ້ອງກັນ ແລະ ຄວບຄຸມດັບເພິງ ແຂວງ ຊູງຊອງນຳໂດ ແຫ່ງ ສ ເກົາຫຼີ ນໍາເອົາລົດສົ່ງຄົນເຈັບ (Ambulance) ຈໍານວນ 17 ຄັນ ພ້ອມດ້ວຍອຸປະກອນໂປເຈັກເຕີ ແລະ ເຄື່ອງດັບເພີງ ລວມມູນຄ່າ ທັງໝົດ 498.226 ໂດລາສະຫະລັດ ມອບໃຫ້ ກະຊວງແຮງງານ ແລະ ສະຫວັດດີການສັງຄົມ, ຂະແໜງການ, ອົງການປົກຄອງທ້ອງຖິ່ນ ແລະ ພາກສ່ວນກ່ຽວຂ້ອງ ເພື່ອນໍາໄປຮັບໃຊ້ວຽກງານຂອງແຕ່ລະພາກສ່ວນ ໃຫ້ເກີດປະໂຫຍດສູງສຸດ.

ພິທີມອບ-ຮັບລົດ ດັ່ງກ່າວ ໄດ້ຈັດຂຶ້ນໃນວັນທີ 13 ພຶດສະພາ 2024 ທີ່ກະຊວງ ແຮງງານ ແລະ ສະຫວັດດີການສັງຄົມ (ຮສສ) ໂດຍເຂົ້າຮ່ວມຂອງ ທ່ານ ລິປ່າວ ຢ່າງ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ດຣ ຢູ ຮຽນຊຸກ ປະທານສະມາຄົມສິລະປະ ແລະ ແລກປ່ຽນວັດທະນະທຳແຊຣິງ, ທ່ານ ໂກກ ວັງຈອງ ຫົວໜ້າພະແນກດັບເພີງ ແຂວງຊູງຊອງນຳໂດ ແຫ່ງ ສ ເກົາຫຼີ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃນໄລຍະຜ່ານມາ ສະມາຄົມສິລະປະ ແລະ ແລກປ່ຽນວັດທະນະທຳແຊຣິງ ແລະ ຂະແໜງການດັບເພິງຂອງແຂວງຊູງຊອງນຳໂດ ແຫ່ງ ສ ເກົາຫຼີ ກໍເຄີຍໃຫ້ການຊ່ວຍລົດ Ambulance ຈໍານວນ 15 ຄັນ ໃນປີ 2023 ແລະ ອຸປະກອນຈໍານວນໜຶ່ງ ໃຫ້ແກ່ ສປປ ລາວ ເພື່ອແຈກຢາຍພາຫະນະ ແລະ ອຸປະກອນ ດັ່ງກ່າວ ໄປໃຫ້ພາກສ່ວນກ່ຽວຂ້ອງ ນໍາເອົາໄປນໍາໃຊ້ ໃຫ້ເກີດປະໂຫຍດສູງສຸດ.

ແຫຼ່ງຂ່າວ: ຂ່າວສານ ຮສສ

Related Articles

Leave a Reply