ບໍລິສັດ ກັນລະຍາ ຈໍາກັດ ຢູ່ບ້ານໜອງໂກ່ມ ນະຄອນໄກສອນ ພົມວິຫານ ແຂວງສະ ຫວັນນະເຂດ ຄາດວ່າຈະສົ່ງສັດໃຫຍ່ໄປ ສສ ຫວຽດນາມ ແລະ ສປ ຈີນ ຫຼາຍກວ່າ 100.000 ໂຕ ໃນປີ 2021 ນີ້, ໃນນັ້ນຈະສົ່ງອອກຄວາຍປະມານ 6.000 ໂຕ, ງົວ 26.000 ໂຕ, ໝູ 36.000 ໂຕ, ແບ້ 60.000 ໂຕ, ມ້າ 130 ໂຕ.
ທ່ານ ນາງ ແກ້ວວັນນາລີ ພູມສະຫວັນ ຮອງປະທານກຸ່ມບໍລິສັດກັນລະຍາຟາມໄດ້ກ່າວເມື່ອບໍ່ດົນມານີ້ວ່າ: ສັດລ້ຽງພາຍໃນຟາມກັນລະຍາໄດ້ຮັບຄວາມນິຍົມດີຈາກຕະຫຼາດ ສສ ຫວຽດນາມ ແລະ ສປ ຈີນ ອັນເປັນການສົ່ງສັນຍານບົ່ງບອກວ່າຄົນຕ່າງປະເທດແມ່ນນິຍົມບໍລິໂພກສັດລ້ຽງ ຈາກ ສປປ ລາວ ຫຼາຍຂຶ້ນຊຶ່ງເປັນຜົນດີໃຫ້ແກ່ຜູ້ລຽ້ງສັດໃຫຍ່ຢູ່ລາວເພາະວ່າປະເທດລາວມີຄວາມອຸດົມສົມບູນໄປດ້ວຍແຫຼ່ງທໍາມະຊາດ (ຫຍ້າ, ພຶດ) ທີ່ເໝາະແກ່ການລ້ຽງສັດໃຫຍ່ໂດຍສະເພາະແມ່ນງົວ,ຄວາຍ.
ປີ 2020 ທີ່ຜ່ານມາບໍລິສັດໄດ້ສົ່ງສັດລ້ຽງດັ່ງກ່າວໄປ ສສ ຫວຽດນາມ ແລະ ສປ ຈີນ ມີຄວາຍ 4.656 ໂຕ, ງົວ 20.146 ໂຕ, ໝູ 28.313ໂຕ, ແບ້ 46.770 ໂຕ ແລະ ມ້າ ເກືອບ 100 ໂຕ.
ຂ່າວ-ພາບ: ສພຂ
