ວັນທີ 1 ທັນວາ ເປັນວັນເອດໂລກ ທີ່ສ້າງຕັ້ງຂຶ້ນໂດຍອົງການອະນາໄມໂລກ. ເນື່ອງໃນໂອກາດວັນເອດໂລກ ໃກ້ຈະໝູນວຽນມາເຖິງ, ອົງການສາກົນຕ້ານເອດ ແຫ່ງສະຫະປະຊາຊາດ ໄດ້ເປີດເຜີຍບົດລາຍງານ ໃນວັນທີ 26 ພະຈິກ ນີ້ວ່າ: ໃນປີ 2023, ທົ່ວໂລກ ມີຄົນໄດ້ເສຍຊີວິດຈາກພະຍາດທີ່ກ່ຽວພັນກັບໂລກເອດ 630.000 ຄົນ, ຜູ້ຕິດເຊື້ອ HIV ເພີ່ມໃໝ່ໃນທົ່ວໂລກ ສູງເຖິງປະມານ 1,3 ລ້ານຄົນ.
ບົດລາຍງານດັ່ງກ່າວ ສະແດງໃຫ້ເຫັນວ່າ: ປັດຈຸບັນ, ໃນທົ່ວໂລກ ມີຜູ້ເປັນໂລກເອດ ປະມານ 39.900.000 ຄົນ, ເພີ່ມຂຶ້ນ 900.000 ຄົນ ເມື່ອທຽບໃສ່ປີ 2022. ໃນນັ້ນ, ມີ 9.300.000 ຄົນບໍ່ມີໂອກາດເຂົ້າຮັບການປິ່ນປົວ. ບົດລາຍງານດັ່ງກ່າວ ຍັງລະບຸຕື່ມວ່າ: ໃນປີ 2023, ແຕ່ລະມື້ ສະເລ່ຍແລ້ວ ມີເພດຍິງໃນເກນອາຍຸ 15 ຫາ 24 ປີຕິດເຊື້ອ HIV ໃໝ່ສະເລ່ຍ 570 ຄົນຕໍ່ມື້.
ຂ່າວ: CRI
