Vientiane Times Lao
ຫົວພັນ ສືບຕໍ່ມາດຕະການປ້ອງກັນ ແລະ ສະກັດກັ້ນໂຄວິດ-19 ອີກ 18 ວັນ

ຫົວພັນ ສືບຕໍ່ມາດຕະການປ້ອງກັນ ແລະ ສະກັດກັ້ນໂຄວິດ-19 ອີກ 18 ວັນ

ເຖິງເເມ່ນວ່າແຂວງຫົວພັນຍັງເປັນພຽງແຂວງດຽວໃນປະເທດລາວທີ່ຍັງບໍ່ມີຜູ້ຕິດເຊື້ອພະຍາດໂຄວິດ-19 ກໍ່ຕາມແຕ່ອໍານາດການປົກຄອງແຂວງກໍ່ໄດ້ເອົາໃຈໃສ່ປ້ອງກັນພະຍາດດັ່ງກ່າວບໍ່ຕ່າງຫຍັງກັບບັນດາແຂວງທີ່ກວດພົບຜູ້ຕິດເຊື້ອ ຫຼື ແຂວງທີ່ມີການລະບາດຂອງພະຍາດດັ່ງກ່າວ ຊຶ່ງຫຼ້າສຸດອໍານາດການປົກຄອງແຂວງຫົວພັນໄດ້ອອກແຈ້ງການ ສືບຕໍ່ປະຕິບັດບັນດາມາດຕະການປ້ອງກັນພະຍາດດັ່ງກ່າວອີກ 18 ວັນນັບແຕ່ມື້ວັນທີ 15 ຕຸລາ ຫາ 2 ພະຈິກ 2021 ນີ້ ແຕ່ມີຫຼາຍມາດຕະການທີ່ອະນຸຍາດຜ່ອນຜັນ.ເນື້ອໃນບາງຕອນທີ່ສໍາຄັນຕາມແຈ້ງການໃນໄລຍະ 18 ວັນຂ້າງໜ້າລະບຸໄວ້ວ່າ: ບຸກຄົນທີ່ໄດ້ສັກຢາວັກຊີນຄົບໂດສ ແລະ ມາຈາກເຂດບ້ານສີຂຽວ ຕ້ອງກັກໂຕ 14 ວັນ, ບຸກຄົນທີ່ໄດ້ສັກຢາວັກຊິນຄົບໂດສ ແລະ ມາຈາກເຂດບ້ານແດງ ຕ້ອງກັກໂຕ 21 ວັນ, ບຸກຄົນທີ່ບໍ່ໄດ້ສັກຢາວັກຊີນຄົບໂດສ ແລະ ມາຈາກເຂດບ້ານແດງ ແມ່ນບໍ່ອະນຸຍາດໃຫ້ເດີນທາງເຂົ້າມາແຂວງ, ປິດການຂົນສົ່ງລົດໂດຍສານ ແລະ ສາຍການບິນໂດຍສານ ເຂົ້າແຂວງຫົວພັນ, ອະນຸຍາດໃຫ້ລົດບັນທຸກສິນຄ້າ ແຕ່ຕ້ອງປະຕິບັດການຄ່ຽນຖ່າຍຄົນຂັບລົດຢູ່ຈຸດກວດກາ, ອະນຸຍາດໃຫ້ພະແນກການ ແລະ ອົງການຕ່າງໆຂອງລັດໄປການປົກກະຕິໄດ້ ແຕ່ຕ້ອງປະຕິມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ, ອະນຸຍາດໃຫ້ເປີດການຮຽນ-ການສອນທຸກຊັ້ນຮຽນທົ່ວແຂວງ ແລະ ສາມາດຫຼີ້ນກິລາທຸກປະເພດ ແຕ່ຕ້ອງປະຕິບັດຕາມມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ, ອະນຸຍາດໃຫ້ຈັດງານບຸນປະເພນີ ແຕ່ຜູ້ເຂົ້າຮ່ວມງານບໍ່ເກີນ 500 ຄົນ ແຕ່ຕ້ອງໄດ້ຮັບການອະນຸຍາດຈາກຄະນະສະເພາະກິດຕ້ານພະຍາດໂຄວິດ-19 ຂັ້ນເມືອງ, ອະນຸຍາດໃຫ້ຈັດງານລ້ຽງໄດ້ (ພາກເອກະຊົນມີຜູ້ເຂົ້າຮ່ວມບໍ່ໃຫ້ເກີນ 100 ຄົນ, ພາກລັດຜູ້ເຂົ້າ ຮ່ວມບໍ່ໃຫ້ເກີນ 50 ຄົນ) ແຕ່ເຈົ້າຂອງຮ້ານຕ້ອງຂໍອະນຸຍາດຈາກຄະນະສະເພາະກິດຕ້ານພະຍາດໂຄວິດ-19 ຂັ້ນເມືອງ, ສືບຕໍ່ປີດຮ້ານບັນເທີງ ເເລະ ຮ້ານຄາຣາໂອເກະທົ່ວແຂວງ ແລະ ອື່ນໆ. ລາຍລະອຽດຕ່າງໆລະບຸໄວ້ຕາມແຈ້ງການດັ່ງລຸ່ມນີ້:

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ