Vientiane Times Lao
ຫຼາຍກວ່າ 1,000 ຄົນເຂົ້້າຮ່ວມ ສະຫຼອງ ວັນສ້າງຕັ້ງອົງການແຮງງານສາກົນ

ຫຼາຍກວ່າ 1,000 ຄົນເຂົ້້າຮ່ວມ ສະຫຼອງ ວັນສ້າງຕັ້ງອົງການແຮງງານສາກົນ

ຫຼາຍກວ່າ 1,000 ຄົນເຂົ້້າຮ່ວມງານສະເຫຼີມ ສະຫຼອງ ວັນສ້າງຕັ້ງອົງການແຮງງານສາກົນຄົບ ຮອບ 100 ປີ ແລະ 55 ປີ ສປປ ລາວ ເປັນສະມາ ຊິກອົງການແຮງງານສາກົນ ຈັດຂຶ້ນໃນວັນທີ 16-17 ພະຈິກ 2019, ທີ່ນະຄອນຫຼວງວຽງຈັນ.
ພິທີດັ່ງກ່າວຈັດຂຶ້ນໂດຍການຮ່ວມມືລະຫວ່າງ ກະຊວງແຮງງານ ແລະ ສະຫວັດດີການສັງຄົມ, ສູນກາງສະຫະພັນກໍາມະບານລາວ, ສະພາການ ຄ້າ ແລະ ອຸດສາຫະກໍາແຫ່ງຊາດລາວ ແລະ ອົງ ການແຮງງານສາກົນ ແລະ ໃຫ້ກຽດເຂົ້າຮ່ວມ ໂດຍທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ ພ້ອມດ້ວຍການນໍາຂັ້ນສູງຈາກກະຊວງ ແຮງງານ ແລະ ສະຫວັດດີການສັງຄົມ, ສູນກາງ ສະຫະພັນກຳມະບານລາວ, ສະພາການຄ້າ ແລະ ອຸດສາຫະກຳແຫ່ງຊາດລາວ, ອົງການແຮງງານ ສາກົນ ແລະ ພາກສ່ວນກະຊວງ, ອົງການ, ສະຖາບັນການສຶກສາ ແລະ ມວນຊົນຊາວນະ ຄອນຫຼວງວຽງຈັນ.
ການຈັດງານດັ່ງກ່າວໄດ້ມີຂຶ້ນທີ່ປະຕູໄຊ ແລະ ສູນການຄ້າວຽງຈັນເຊັນເຕີໂດຍມີຫຼາກຫຼາຍກິດຈະກຳເຊັ່ນ: ຮ້ານວາງສະແດງ 46 ຮ້ານ ທີ່ມາ ຈາກພາກລັດຖະບານ ແລະ ພາກເອກະຊົນ.
ພາຍໃນງານຍັງມີການນຳສະເໜີ ແລະ ບໍລິການ ໃຫ້ຄໍາປຶກສາດ້ານກົດໝາຍຕ່າງໆທີ່ກ່ຽວຂ້ອງ, ນິຕິກໍາລຸ່ມກົດໝາຍກ່ຽວກັບການພັດທະນາສີ ມືແຮງງານ ແລະ ຈັດຫາງານ, ການຈັດສົ່ງແຮງ ງານລາວໄປເຮັດວຽກຢູ່ຕ່າງປະເທດ, ການແກ້ ໄຂບັນຫາຂໍ້ຂັດແຍງແຮງງານ, ການສ້າງແຜນ ທຸລະກິດຂະໜາດນ້ອຍ ແລະ ຂະໜາດກາງ, ການໃຫ້ຄວາມຮູ້ດ້ານການຢຸດໃຊ້ຄວາມຮຸນແຮງຕໍ່ແມ່ຍິງ ແລະ ອື່ນໆ, ລວມທັງການສາທິດ ສີມືແຮງງານ ການຕົບແແຕ່ງຊົງຜົມ ແລະ ການແກະສະຫຼັກໝາກໄມ້ ເພື່ອໃຫ້ຜູ້ເຂົ້າຮ່ວມ ງານໄດ້ຮັບຊົມອີກດ້ວຍ.
ທ່ານ ປອ. ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໄດ້ກ່າວວ່າ: ການສະເຫຼີມສະຫຼອງວັນດັ່ງກ່າວ ຊຶ່ງຕະຫຼອດໄລຍະເວລາ 55 ປີ ທີ່ໄດ້ເປັນສະມາ ຊິກຂອງອົງການແຮງງານສາກົນ, ສປປ ລາວ ໄດ້ໃຫ້ສັດຕະຍາບັນສົນທິສັນຍາແຮງງານສາກົນ 10 ສະບັບ, ໄດ້ເອົາໃຈໃສ່ແກ້ໄຂບັນຫາກ່ຽວກັບ ແຮງງານໃນຫຼາຍດ້ານ ເພື່ອເປັນການເພີ່ມທະວີ ຄວາມຍຸຕິທຳໃນສັງຄົມ, ສົ່ງເສີມວຽກທີ່ມີຄຸນຄ່າ ແລະ ເປັນທໍາ, ວຽກເພື່ອອະນາຄົດທີ່ສົດໃສ ໃຫ້ແກ່ແຮງງານຂອງລາວ ຊຶ່ງຕິດພັນກັບການ ຈັດຕັ້ງປະຕິບັດວຽກງານດັ່ງກ່າວ ສປປ ລາວ ໄດ້ມີກົດໝາຍວ່າດ້ວຍແຮງງານ, ກົດໝາຍ ວ່າດ້ວຍການປະກັນສັງຄົມ, ມີລະບຽບການ ຕ່າງໆ ທີ່ກ່ຽວຂ້ອງກັບການປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານ ລວມເຖິງການສ້າງຄວາມເຂັ້ມ ແຂງທາງດ້ານລະບົບການປົກປ້ອງສັງຄົມແຫ່ງ ຊາດ ແລະ ອື່ນໆອີກຈຳນວນໜຶ່ງ ເພື່ອຊຸກຍູ້ການ ເສດຖະກິດໃຫ້ມີການຂະຫຍາຍຕົວ, ສັງຄົມມີ ຄວາມສະຫງົບສຸກ, ມີຄວາມຍຸຕິທຳ ແລະ ປະຊາຊົນມີຄວາມຜາສຸກທຸກທົ່ວໜ້າ.
ພ້ອມນັ້ນ ທ່ານ ແກຣມ ບັກເລ ຜູ້ອຳນວຍການ ຫ້ອງການອົງການແຮງງານສາກົນຮັບຜິດຊອບ ປະເທດລາວໄດ້ມີຄຳເຫັນ ໂດຍຍົກໃຫ້ເຫັນເຖິງ ຄວາມສຳຄັນຂອງການຈັດຕັ້ງປະຕິບັດບັນດາຖະແຫຼງການຂອງປະເທດຊະມາຊິກທີ່ໄດ້ຮັບຮອງ ເອົາໃນກອງປະຊຸມໃຫຍ່ຂອງອົງການສະຫະປະ ຊາຊາດ ຄັ້ງທີ 74 ທີ່ຈັດຂຶ້ນໃນເດືອນກັນຍາ 2019 ຢູ່ນະຄອນຫຼວງນິວຍອກ ໂດຍສະເພາະ ແມ່ນ “ຖະແຫຼງການຄົບຮອບສັດຕະວັດ ວ່າ ດ້ວຍວຽກໃນອະນາຄົດ “ຊຶ່ງຮຽກຮ້ອງໃຫ້ບັນ ດາປະເທດ ຖືເອົາວາລະການພັດທະນາອີງໃສ່ຄົນ ເປັນໃຈກາງເພື່ອແກ້ໄຂບັນດາສິ່ງທ້າທາຍທີ່ເກີດຈາກການປ່ຽນແປງໃນການເຮັດວຽກ.
ພ້ອມນັ້ນທ່ານຍັງໄດ້ສະແດງຄວາມເປັນຫ່ວງ ເປັນໃຍ ຕໍ່ພົນລະເມືອງລາວ ໂດຍສະເພາະແມ່ນ ການເຂົ້າເຖິງໂອກາດໃນການມີວຽກເຮັດງານທຳທີ່ດີ ແລະ ມີຄຸນຄ່າ, ມີເງື່ອນໄຂການເຮັດວຽກ ທີ່ປອດໄພ, ໄດ້ຮັບຄ່າແຮງງານທີ່ພຽງພໍ, ໄດ້ຮັບ ການປົກປ້ອງພາຍໃຕ້ມາດຕະຖານແຮງງານຈາກການຈັດຕັ້ງປະຕິບັດກົດໝາຍແຮງງານທີ່ມີປະ ສິດທິຜົນ ແລະ ຈາກການຮ່ວມມືໃນການຈັດ ຕັ້ງມາດຕະການຕ່າງໆຂອງອົງການຈັດຕັ້ງ ສາມຝ່າຍ.
ຂ່າວ: ວຽງຈັນທາຍ
ພາບ: ເພັດໂພໄຊ

Related Articles

Leave a Reply