Vientiane Times Lao
ຫ້າມບັນດາຮ້ານບັນເທີງເປີດບໍລິການກາຍ 00 ໂມງ 30 ນາທີໃນເວລາສະຫຼອງປີໃໝ່ສາກົນ

ຫ້າມບັນດາຮ້ານບັນເທີງເປີດບໍລິການກາຍ 00 ໂມງ 30 ນາທີໃນເວລາສະຫຼອງປີໃໝ່ສາກົນ

ກອງບັນຊາການ ປກສ ນະຄອນຫລວງວຽງຈັນໄດ້ອອກແຈ້ງການເມື່ອບໍ່ດົນມານີ້ວ່າ ຫ້າມບັນດາຮ້ານກິນດື່ມ,ຮ້ານອາຫານ ແລະ ບັນເທີງ ເປີດບໍລິການກາຍໂມງທີ່ກຳນົດໄວ້ ຕາມລະບຽບ ຊຶ່ງນັບແຕ່ວັນທີ 31 ທັນວາ 2019 ຫາ ວັນທີ 01 ມັງກອນ 2020 ເພາະເປັນມື້ສົ່ງທ້າຍປີເກົ່າ 2019 ແລະຕ້ອນຮັບປີໃໝ່ 2020.

ບັນດາຮ້ານກິນດື່ມ, ຮ້ານບັນເທີງ ແລະ ຮ້ານອາຫານເປີດບໍລິການຮອດ 12 ໂມງກາງຄືນ ຖ້າກາຍໂມງທີ່ກຳນົດໄວ້ຄື : 00 ໂມງ 30 ນາທີ ຖ້າພົບເຫັນຈະສັ່ງປິດທັນທີ ແລະ ປະຕິບັດຕາມລະບຽບກົດໝາຍ ຕໍ່ບັນດາຮ້ານທີ່ລະເມີດຂໍ້ຫ້າມດັ່ງກ່າວ.

ນອກຈາກນັ້ນ ໃແຈ້ງການຍັງໄດ້ລະບຸໄວ້ວ່າ: ໃນໄລຍະງານສະຫຼອງດັ່ງກ່າວ ຫ້າມບໍ່ໃຫ້ມີການຊື້-ຂາຍສິນຄ້າ ແລະ ອຸປະກອນທີ່ກໍ່ໃຫ້ເກີດສຽງແຕກທຸກປະເພດ ເຊັ່ນ: ກະໂພກ, ບັ້ງໄຟດອກ, ຫ້າມຈູດໂຄມໄຟລອຍຟ້າ, ບໍ່ໃຫ້ນຳໃຊ້ທາດລະເບີດ, ທາດແຕກ, ທາດເບື່ອ, ທາດກຳມະລັງສີ, ວັດຖຸທີ່ອອກລິດຕໍ່ສຸຂະພາບຈິດ, ນອກນັ້ນ ຍັງຫ້າມການນຸ່ງເຄື່ອງສັ້ນ-ເຂີນ ທີ່ບໍ່ຖືກຕ້ອງຕາມປະເພນີ, ຫ້າມເຕັ້ນ-ຟ້ອນອານາຈານຕາມແຄມທາງ ຫຼື ຫຼີ້ນການພະນັນທຸກປະເພດ. ຫ້າມຂີ່ພາຫະນາເປັນກຸ່ມ, ຫ້າມແລ່ນລົດໄວເກີນຂອບເຂດ, ຫ້າມດື່ມສິ່ງມືນເມົາແລ້ວຂັບຍານພາຫະນະ ແລະ ອື່ນໆ.

ສະເພາະການສະເຫຼີມສະຫລອງວັນຄຣິດສະມາດນັບແຕ່ວັນທີ 24 ຫາ 30 ທັນວາ 2019 ນັ້ນ ແມ່ນຫ້າມບັນດາຮ້ານກິນດື່ມ, ຮ້ານບັນເທີງ ແລະ ຮ້ານອາຫານເປີດກາຍ 23 ໂມງ 30.

ທັງນີ້ກໍ່ເພື່ອ ປ້ອງກັນຄວາມປອດໄພ ແລະ ປ້ອງກັນຄວາມສະຫງົບໃນຊ່ວງໄລຍະເວລາບຸນດັ່ງກ່າວ.​

ຂ່າວ : ສົມພາວັນ

ພາບ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ