Visit BigblueAgency
ຫໍພິພິທະພັນສິລະປະແຫ່ງໃໝ່ ບ້ານໂພນສະອາດ ຈະກໍ່ສ້າງສຳເລັດໃນປີໜ້າ

ຫໍພິພິທະພັນສິລະປະແຫ່ງໃໝ່ ບ້ານໂພນສະອາດ ຈະກໍ່ສ້າງສຳເລັດໃນປີໜ້າ

ຫໍພິພິທະພັນວິຈິດສິນ ວຽງຈັນແຫ່ງໃໝ່ ທີ່ພວມກໍ່ສ້າງຢູ່ ບ້ານໂພນສະອາດ ເມືອງໄຊທານີ ນະຄອນຫຼວງວຽງຈັນ, ໃກ້ກັບໜອງເຊືອມ, ປັດຈຸບັນໄດ້ກໍ່ສ້າງ ສຳເລັດແລ້ວກວ່າ 70% ແລະ ຄາດວ່າຈະໃຫ້ສຳເລັດສົມບູນໃນປີໜ້າ.

ຂະນະ​ນີ້ ວຽກ​ງານ​ກໍ່ສ້າງ​ທັງ​ພາຍ​ໃນ ​ແລະ ​ນອກ​ຂອງ​ອາຄານ​ໄດ້​ຮັບ​ການ​ກໍ່ສ້າງ​ພ້ອມ​ທັງ​ຕິດຕັ້ງ​ໄຟຟ້າ, ​ເຄື່ອງ​ປັບ​ອາກາດ, ​ໄຟ​ຟ້າ, ລະບົບ​ນ້ຳປະປາ, ລະບົບຂອງເສຍ, ​ແລະ ​ລະບົບ​ປ້ອງ​ກັນ​ອັກຄີໄພ.

ບໍລິເວນອ້ອມຮອບ ຕົວອາຄານພິພິທະພັນ ກໍຍັງກຳລັງສ້າງບ່ອນຈອດລົດ, ອ່າງນ້ຳພຸ. ສະຖານທີ່ດັ່ງກ່າວໄດ້ຖືກອອກແບບແລະຕົບແຕ່ງຢ່າງສວຍງາມ, ແລະຈະມີຮ້ານອາຫານ,ຮ້ານກາເຟ, ຮ້ານຂາຍເຄື່ອງທີ່ລະນຶກ, ແບບຈໍາລອງຂອງເຮືອນພື້ນເມືອງ ແລະ ຫ້ອງນ້ໍາສາທາລະນະ. ຫໍພິພິທະພັນ ແລະ ສິ່ງອໍານວຍຄວາມສະດວກທີ່ກ່ຽວຂ້ອງ ກໍາລັງກໍ່ສ້າງຢູ່ໃນພື້ນທີ່ 17 ເຮັກຕາ ດ້ວຍມູນຄ່າ 500 ຕື້ກີບ. 

ຄາດວ່າ, ຫໍພິພິທະພັນດັ່ງກ່າວຈະດຶງດູດນັກທ່ອງທ່ຽວຈາກອາຊຽນ ແລະ ປະເທດອື່ນໆ ແລະ ຈະເປັນສະຖານທີ່ໃຫ້ຄວາມສົນໃຈຂອງປະຊາຊົນເຂົ້າມາລາວເພື່ອເຂົ້າຮ່ວມກອງປະຊຸມສຸດຍອດອາຊຽນໃນປີ 2024 ເຊິ່ງເປັນເວລາທີ່ລາວຮັບດຳລົງຕຳແໜ່ງປະທານອາຊຽນໃນປີ 2024.

ຫໍພິພິທະພັນວິຈິດສິນ ວຽງຈັນ ທີ່ມີຢູ່ແລ້ວ ຕັ້ງຢູ່ສະຖານທີ່ນ້ອຍໆ ຢູ່ບ້ານຊຽງຄວນ ເມືອງຫາດຊາຍຟອງ ນະຄອນຫຼວງວຽງຈັນ ແລະ ບໍ່ມີບ່ອນຈອດລົດ ເຮັດໃຫ້ຄົນບໍ່ມັກໄປທ່ຽວຊົມ ແລະບໍ່ຄຶກຄື້ນເທົ່າທີ່ຄວນ.

Related Articles

Leave a Reply