Vientiane Times Lao
<strong>ອັງກິດ ຊ່ວຍເຫຼືອຊຸດປ້ອງກັນພະຍາດ ໂຄວິດ-</strong><strong>19 </strong><strong>ໃຫ້ແກ່ ລາວ</strong>

ອັງກິດ ຊ່ວຍເຫຼືອຊຸດປ້ອງກັນພະຍາດ ໂຄວິດ-19 ໃຫ້ແກ່ ລາວ

ສະຫະຣາຊະອານາຈັກອັງກິດ ໄດ້ປະກອບສ່ວນຊ່ວຍເຫຼືອຊຸດປ້ອງກັນພະຍາດໂຄວິດ-19 (PPE) ຈຳນວນ 800.000 ຊຸດ ໃຫ້ແກ່ ກະຊວງສາທາລະນະສຸກ ແຫ່ງ ສປປ ລາວ, ຊຶ່ງພິທີມອບຮັບເຄື່ອງດັ່ງກ່າວ ໄດ້ຈັນຂຶ້ນເມື່ອວັນທີ 1 ກໍລະກົດ 2022 ຜ່ານມານີ້ ທີ່ນະຄອນຫຼວງວຽງຈັນ ລະຫວ່າງ ທ່ານ ຈອນ ເພຍຊັນ ເອກອັກຄະຣາຊະທູດ ສະຫະຣາຊະອານາຈັກອັງກິດ ປະຈຳ ສປປ ລາວ ແລະ  ທ່ານ ດຣ. ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະຫະຣາຊະອານາຈັກອັງກິດ ໄດ້ເປັນຄູ່ຮ່ວມມືໃນວຽກງານການຮັບມືກັບການແຜ່ລະບາດຂອງພະຍາດໂຄວິດ-19 ຂອງ ສປປ ລາວ ຢ່າງສະໝໍ່າສະເໝີ, ຊື່ງໃນໄລຍະຜ່ານມາ ກໍ່ໄດ້ຊ່ວຍເຫຼືອວັກຊີນປ້ອງກັນພະຍາດໂຄວິດ-19 ຈໍານວນ 700.000 ໂດສ ແລະ ງົບປະມານເຂົ້າໃນວຽກງານການຮັບມືກັບພະຍາດໂຄວິດ-19 ຜ່ານທະນາຄານພັດທະນາອາຊີ. ນອກຈາກນັ້ນ, ສະຫະຣາຊະອານາຈັກອັງກິດ ຍັງໄດ້ປະກອບສ່ວນສະໜັບສະໜູນງົບປະມານຈຳນວນ 240.000 ໂດລາສະຫະລັດ ໃຫ້ແກ່ສະຖາບັນ ປັດສະເຕີ ລາວ ເພື່ອເປັນການສະໜັບສະໜູນສະຖາບັນ ໃນຖານະເປັນສະຖາບັນຄົ້ນຄວ້າ ທົດລອງແຖວໜ້າໃນການສຶກສາຄົ້ນຄວ້າ ແລະ ກວດວິເຄາະຫາເຊື້ອພະຍາດ ໂຄວິດ-19.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ