Vientiane Times Lao
ອາທິດນີ້ຈະມີການ ແຂ່ງຂັນກິລາຣັກບີ້ນາໆຊາດ ວຽງຈັນເທັນ

ອາທິດນີ້ຈະມີການ ແຂ່ງຂັນກິລາຣັກບີ້ນາໆຊາດ ວຽງຈັນເທັນ

ການແຂ່ງຂັນກິລາຣັກບີ້ນາໆຊາດ ວຽງຈັນເທັນ ຄັ້ງທີ 13 (DHL Vientiane 10s Rugby Championship) ກຽມຈັດຂຶ້ນໃນວັນທີ 25-26 ມັງກອນ 2020 ຢູ່ທີ່ ສະໜາມ ກີລາ ເຈົ້າອານຸວົງ ນະຄອນຫຼວງ ວຽງຈັນ, ເຊິ່ງຈະມີທີມຈາກສະ ໂມສອນພາຍໃນ ແລະ ຕ່າງປະເທດ ເຂົ້າຮ່ວມ 32 ທີມ ໂດຍໄດ້ຮັບການສະໜັບສະໜູນ ຈາກບໍລິສັດ DHL ແລະ ANZ.
ທ່ານ ວິລະຢຸດ ຣາທິກຸນ ປະທານສະຫະພັນກິລາຣັກບີ້ ແຫ່ງຊາດລາວ ກ່າວໃນພິທີຖະ ແຫຼງຂ່າວການແຂ່ງຂັນກິລາຣັກບີ້ນາໆຊາດ ວຽງຈັນເທັນ ຄັ້ງທີ 13 ຈັດຂຶ້ນວັນທີ 20 ມັງກອນ ຜ່ານມາ ທີ່ນະຄອນຫຼວງວຽງຈັນ ວ່າ: ການແຂ່ງຂັນຄັ້ງນີ້ ຈະມີທີມ ຈາກສະໂມສອນພາຍໃນ ແລະ ຕ່າງປະເທດ ເຂົ້າຮ່ວມ 32 ທີມ ຈາກ 8 ປະເທດ (ທີມຊາຍ-ຍິງ) ເຊັ່ນ: ປະເທດອັງກິດ, ອົດສະຕຣາລີ, ສະຫະລັດອາເມຣິກາ, ຮົງກົງ, ໄທ, ສປ ຈີນ, ສສ ຫວຽດນາມ ແລະ ສປປ ລາວ. ນອກຈາກນີ້ ສະຫະພັນຣັກບີ້ແຫ່ງຊາດ ຍັງຈະ ໄດ້ຈັດການແຂ່ງຂັນຣັກບີ້ ຮຸ່ນອາຍຸບໍ່ເກີນ 18 ປີ ຊາຍ-ຍິງ (ປະເພດຫຼິ້ນຕໍາ) ແລະ ຮຸ່ນອາຍຸ ບໍ່ເກີນ 13 ປີ (ປະເພດດຶງ ສາຍແທັກ) ເພື່ອເປັນການ ສ້າງສີສັນ ແລະ ພັດທະນາ ນັກກິລາຣັກບີ້ຮຸ່ນສືບທອດໃນອະນາຄົດ.
ສໍາລັບການແຂ່ງຂັນຄັ້ງນີ້ ແມ່ນ ເປີດໂອກາດໃຫ້ກັບບັນດາທີມໃນລະດັບຕ່າງໆ ເປັນຕົ້ນ ທີມໃນລະ ດັບມະຫາວິທະຍາໄລ ຫຼື ສະໂມ ສອນໃນທົ່ວພູມິພາກໄດ້ມີໂອ ກາດເຂົ້າຮ່ວມການແຂ່ງຂັນຄັ້ງນີ້ ເຊິ່ງກາຍເປັນທ່າແຮງໜຶ່ງຈະ ຊ່ວຍພັດທະນາສະໂມສອນຣັກບີ້ໃນ ສປປ ລາວ ທັງຍັງເປັນການ ສ້າງຄວາມອາດສາມາດ ໃຫ້ແກ່ ພະນັກງານຂອງສະຫະພັນ ໃນການຈັດການບໍລິຫານ ການແຂ່ງຂັນໃນລະດັບສາກົນ.
ຂ່າວ: ບົວຜັນ

ພາບ: ສຸກນີລັນດອນ

Related Articles

Leave a Reply