ທ່ານມາຫົງຫວາງ ຮອງປະທານ ບໍລິສັດ ຮ່ວມທຶນ ພັດທະນາ ທາງດ່ວນ ລາວ-ຈີນຈໍາກັດໃຫ້ຮູ້ວ່າ: ສາເຫດທີ່ອຸໂມງທາງດ່ວນວຽງຈັນ-ວັງວຽງ ມືດ ຫຼື ບໍ່ມີໄຟສະຫວ່າງ ຊ່ວງໄລຍະກິໂລແມັດ K63+380 ນັ້ນສາເຫດຍ້ອນມີການລັກສາຍໄຟ ເຖິງແມ່ນວ່າພາຍຫຼັງທີ່ຖືກລັກບໍລິສັດໄດ້ມີການແປງຄືນຫຼາຍຄັ້ງ ແຕ່ກໍ່ຍັງມີຄົນມາລັກອີກ.
ທ່ານມາຫົງຫວາງໄດ້ກ່າວຕື່ມວ່າ: ສະເພາະການຄຸ້ມຄອງ ແລະ ບໍລິການທາງ ດ່ວນ ລວມໄປເຖິງການແກ້ໄຂບັນຫາຕ່າງໆນັ້ນ ເຊັ່ນ: ການທຳລາຍຮົ້ວຕາມເສັ້ນທາງດ່ວນ, ສັດລ້ຽງຂອງປະຊາຊົນ ຂື້ນມາທາງດ່ວນ, ອຸປະຕິເຫດ ແລະ ການລາຍງານຂ່າວສື່ອອນລາຍ ບໍ່ຖືກຕ້ອງຕາມຄວາມຈິງ ແລະ ອອກຂ່າວໃນຮູບແບບໃສ່ຮ້າຍປ້າຍສີທາງດ່ວນ ເພາະບໍລິສັດໄດ້ປະສານງານກັບຕຳຫຼວດຈະລາຈອນທີ່ຖືກແຕ່ງຕັ້ງມາປະຈຳຢູ່ທາງດ່ວນ ແລະ ນາຍບ້ານ ໂດຍສະເພາະແມ່ນບ້ານທີ່ຢູ່ລຽບຕາມເສັ້ນທາງດ່ວນ ເພື່ອໂຄສະນາ ໃຫ້ປະຊາຊົນ ເຂົ້າໃຈກ່ຽວກັບສາເຫດ ຂອງອຸປະຕິເຫດ.
