Visit BigblueAgency
ອົງການກາແດງ ມອບເຄື່ອງຊ່ວຍເຫຼືອໃຫ້ ໂຮງໝໍທະຫານແຂວງບໍ່ແກ້ວ

ອົງການກາແດງ ມອບເຄື່ອງຊ່ວຍເຫຼືອໃຫ້ ໂຮງໝໍທະຫານແຂວງບໍ່ແກ້ວ

ອີງຕາມການລາຍງານຂ່າວຈາກໜັງສືພິມປະຊາຊົນ, ໃນວັນທີ 9 ກໍລະກົດ 2024 ຜ່ານມານີ້, ທີ່ພະແນກເສນາຮັກ ໂຮງໝໍທະຫານແຂວງບໍ່ແກ້ວ ໄດ້ມີພິທີມອບຮັບເຄື່ອງຊ່ວຍເຫຼືອຈາກອົງການກາແດງ,

ໃຫ້ກຽດມອບໂດຍ  ທ່ານ  ນາງ ບົວຄຳ ສຸວັນນະຄຳ ຮອງຫົວໜ້າອົງການກາແດງແຂວງບໍ່ແກ້ວ ຊຶ່ງເຄື່ອງທີ່ນຳມາມອບໃນຄັ້ງນີ້ປະກອບມີ 7 ລາຍການຄື: ຢາປົ່ວໄຂ້ຍຸງຟານຊີ, ຢາປົວໄຂ້ຍຸງມາລາເລຍ, ຢາດີຫວັດ, ຢາດີຖອກທ້ອງ, ຢາແກ້ປວດ-ແກ້ໄຂ, ຢາດີຖອກທ້ອງ, ວິຕາມິນຊີ ແລະ ວິຕາມິນບີ. ຄິດເປັນມູນຄ່າລວມຈຳນວນທັງໜົດ: 28 ລ້ານກ່ວາກີບ, ເປັນກຽດກ່າວຮັບໂດຍ ທ່ານ ພັນໂທ ສຸດຖາວອນ ຄຸດສຸລິນ ຮອງຫົວໜ້າຫ້ອງພະລາທິການ ກອງບັນຊາການທະຫານແຂວງບໍ່ແກ້ວ ພ້ອມດ້ວຍຄະນະ ຮ່ວມເປັນສັກຂີພິຍານ.

ໂອກາດດັ່ງກ່າວ ທ່ານ ພັນໂທ ສຸດຖາວອນ ຄຸດສຸລິນ ຍັງໄດ້ຕາງໜ້າສະແດງຄວາມຂອບໃຈເປັນຢ່າງສູງມາຍັງ ທ່ານ ນາງ ບົວຄຳ ສຸວັນນະຄຳ ໂດຍກ່າວວ່າ: ເຄື່ອງຈຳນວນດັ່ງກ່າວຈະໄດ້ ໝູນໃຊ້ເຂົ້າໃນວຽກງານຂອງ ກົມກອງ ຂອງຕົນໃຫ້ໄດ້ຮັບຜົນສູງສຸດ ແລະ ຫວັງວ່າໃນໂອກາດໜ້າຈະໄດ້ຮັບການຊ່ວຍເຫຼືອ ຕື່ມອີກ.

Related Articles

Leave a Reply