Vientiane Times Lao
ອົດສະຕຣາລີ ຊ່ວຍເຫຼືອອຸປະກອນການແພດ ໃຫ້ສປປ ລາວ

ອົດສະຕຣາລີ ຊ່ວຍເຫຼືອອຸປະກອນການແພດ ໃຫ້ສປປ ລາວ

ກະຊວງປ້ອງກັນປະເທດ ອົດສະຕຣາລີ ໄດ້ປະກອບສ່ວນຊ່ວຍເຫຼືອເຄື່ອງມືອຸປະກອນການແພດ ເພື່ອປ້ອງກັນການແຜ່ລະບາດຂອງພະຍາດໂຄວິດ-19 ໃຫ້ກະຊວງປ້ອງກັນປະເທດ ແຫ່ງ ສປປ ລາວ.

ເຄື່ອງມືອຸປະກອນການແພດ ທີ່ນຳມາມອບໃນຄັ້ງນີ້ປະກອບມີ: ເຄື່ອງຖ່າຍລັງສີ (X-Ray) ແບບເຄື່ອນທີ່ ຈຳນວນ 2 ເຄື່ອງ, ເຄື່ອງດູດຂີ້ກະເທີ (7A-23D) ຈໍານວນ 5 ຊຸດ, ເຄື່ອງຕິດຕາມຄົນເຈັບໜັກ (Trismed Vitapia 7000K) ຈໍານວນ 5 ຊຸດ, ເຄື່ອງວັດແທກຫົວໃຈ (Suzuken kenz Czrdico 306) ຈໍານວນ 5 ຊຸດ, ເຄື່ອງວັດແທກອົກຊີ 5 ຊຸດ, ເຄື່ອງວັດແທກ ຄວາມດັນເລືອດແບບອັດຕະໂນມັດ (TM-2657P) ຈໍານວນ 5 ຊຸດ, ເຄື່ອງວັດແທກຄວາມດັນເລືອດແບບຮັດແຂນ (BP-1307) ຈໍານວນ 20 ເຄື່ອງ ລວມມູນຄ່າທັງໝົດ 245.000 ໂດລາອົດສະຕຣາລີ.

ພິທີມອບ-ຮັບ ເຄື່ອງມືອຸປະກອນການແພດ ດັ່ງກ່າວ ແມ່ນໄດ້ຈັດຂຶ້ນເມື່ອບໍ່ດົນມານີ້ ທີ່ນະຄອນຫຼວງວຽງຈັນ, ໂດຍຕາງໜ້າກ່າວມອບຂອງທ່ານ ໂພລ ແຄລີ ເອກອັກຄະລັດຖະທູດ ອົດສະຕຣາລີ ປະ ຈຳ ສປປ ລາວ ແລະ ກ່າວຮັບຂອງ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນປະເທດ.

ແຫຼ່ງຂ່າວ: ຂປລ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ