Vientiane Times Lao
ຮູບປັ້ນພະເຈົ້າໄຊຍະເຊດຖາທິລາດ ຖືກຍົກຂຶ້ນປະທັບຫຼັງຊ້າງທີ່ອະນຸສາວະລີ ພະເຈົ້າໄຊຍະເຊດຖາທິລາດ ແລ້ວ

ຮູບປັ້ນພະເຈົ້າໄຊຍະເຊດຖາທິລາດ ຖືກຍົກຂຶ້ນປະທັບຫຼັງຊ້າງທີ່ອະນຸສາວະລີ ພະເຈົ້າໄຊຍະເຊດຖາທິລາດ ແລ້ວ

ພິທີທາງສາສະໜາກ່ຽວກັບການປະດິດສະຖານຮູບປັ້ນພະເຈົ້າໄຊຍະເຊດຖາທິລາດ ຂຶ້ນປະທັບຢູ່ຫຼັງຊ້າງ ໄດ້ຈັດຂຶ້ນມື້ເຊົ້ານີ້  ທີ່ອະນຸສາວະລີ ພະເຈົ້າໄຊຍະເຊດຖາທິລາດ ບ້ານຫາດຊາຍຂາວ ເມືອງໄຊເຊດຖາ ແຂວງ ອັດຕະປື, ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ, ອໍານາດການປົກຄອງ ແຂວງອັດຕະປື, ພະສົງ ສາມະເນນ ແລະ ພໍ່ແມ່ປະຊາຊົນພາຍໃນແຂວງອັດຕະປື ແລະ ຜູ້ທີ່ມີຈິດສັດທາກ່ຽວກັບພະເຈົ້າໄຊຍະເຊດຖາທິລາດໃນຂອບເຂດທົ່ວປະເທດ ຫຼາຍຮ້ອຍຄົນເຂົ້າຮ່ວມພິທີດັ່ງກ່າວ.

ມື້ນີ້ຖືວ່າເປັນມື້ສຸດທ້າຍໃນການເຮັດພິທີທາງສາສະໜາ ກ່ຽວກັບການເຄື່ອນຍ້າຍ ຮູບປັ້ນພະເຈົ້າໄຊຍະເຊດຖາທິລາດ ກ່ອນທີ່ຈະມີບຸນສົມໂພດໃຫ່ຍ ໃນວັນທີ 28 ະຈິ2020 ນີ້.

ຂະບວນແຫ່ຮູບປັ້ນຊ້າງ ແລະ ຮູບປັ້ນພະເຈົ້າໄຊຍະເຊດຖາທິລາດ ເລີ່ມເຄື່ອນຍ້າຍຈາກນະຄອນຫລວງວຽງຈັນ ແຕ່ວັນທີ 27 ກໍລະກົດທີ່ຜ່ານມາ ໂດຍແວ່ພັກຄ້າງຄືນເພື່ອເຮັດພິທີທາງສາສະໜາຢູ່ ແຂວງບໍລິຄໍາໄຊ,ຄໍາມ່ວນ, ສະຫວັນນະເຂດ, ຈໍາປາສັກ ແລະ ຮອດ ແຂວງອັດຕະປືໃນຕອນບ່າຍຂອງວັນທີ31 ໍລະກົດທີ່ຜ່ານມາ ເພື່ອໄປປະດິດສະຖານໄວ້ທີ່ອະນຸສາວະລີພະເຈົ້າໄຊຍະເຊດຖາທິລາດ  ບ້ານຫາດຊາຍຂາວ ເມືອງໄຊເຊດຖາ ແຂວງ ອັດຕະປື.

ຂ່າວ: ວຽງຈັນທາຍ 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ