Vientiane Times Lao
ຮູບແຄນຈະເປັນສັນຍາລັກຮູບຊົງເສົາກາງຂົວມິດຕະພາບລາວ-ໄທ ແຫ່ງທີ 5

ຮູບແຄນຈະເປັນສັນຍາລັກຮູບຊົງເສົາກາງຂົວມິດຕະພາບລາວ-ໄທ ແຫ່ງທີ 5

ພະແນກແຜນການ ແລະ ການລົງທຶນ ແຂວງບໍລິຄໍາໄຊ ແຈ້ງໃຫ້ຮູ້ວ່າ: ລັດຖະບານແຫ່ງ ສປປ ລາວ ແລະ ຣາຊະອານາຈັກໄທ ໄດ້ຕົກລົງກັນ ເອົາຮູບແຄນເປັນສັນຍາລັກຮູບຊົງເສົາກາງ ຂອງ ຂົວມິດຕະພາບລາວ-ໄທ ແຫ່ງທີ 5 ທີ່ຈະເຊື່ອມຕໍ່ ລະຫວ່າງ ເມືອງປາກຊັນ ແຂວງ ບໍລິຄໍາໄຊ, ສປປ ລາວ ແລະ ແຂວງ ບຶງການ ປະເທດໄທ ທີ່ຈະເລີ່ມລົງມືກໍ່ສ້າງໃນໄວໆນີ້.

 

ຂົວດັ່ງກ່າວ ຕັ້ງຢູ່ເຂດບ້ານກ້ວຍອຸດົມ ເມືອງປາຊັນ ແຂວງບໍລິຄໍາໄຊ ມີຄວາມຍາວ 1.300 ກວ່າແມັດ, ການກໍ່ສ້າງຈະສຳເລັດພາຍໃນ 3 ປີ ຊຶ່ງມີມູນຄ່າການກໍ່ສ້າງທັງໝົດຫຼາຍກວ່າ 40 ລ້ານໂດລາສະຫະລັດ (ປະເທດໄທ 25.7 ລ້ານໂດລາສະຫະລັດ ແລະ ສປປ ລາວ 15.41 ລ້ານໂດລາສະຫະລັດ).

 

ປະຈຸບັນນີ້, ລັດຖະບານທັງສອງປະເທດກໍາລັງຄິດໄລ່ຄ່າຊົດເຊີຍເນື້ອທີ່ດິນສວນ, ນາ ແລະ ເຮືອນ ຂອງປະຊາຊົນທີ່ໄດ້ຮັບຜົນກະທົບຢູ່ບໍລິເວນສົ້ນຂົວ ແລະ ແລວທາງເຂົ້າຂົວ ແລະ ອື່ນໆ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ