Vientiane Times Lao
ເຂດເສດຖະກິດພິເສດສາມຫຼ່ຽມຄໍາ ສືບຕໍ່ໂຈະຊົ່ວຄາວອີກ 14 ວັນ

ເຂດເສດຖະກິດພິເສດສາມຫຼ່ຽມຄໍາ ສືບຕໍ່ໂຈະຊົ່ວຄາວອີກ 14 ວັນ

ຄະນະຄຸ້ມຄອງເຂດເສດຖະກິດພິເສດ ສາມຫຼ່ຽມຄຳ ຢູ່ ແຂວງບໍ່ແກ້ວ ໄດ້ອອກແຈ້ງການມື້ວັນທີ 25 ກຸມພາ 2020 ວ່າ: ຈະສືບຕໍ່ໂຈະຊົ່ວຄາວບໍ່ໃຫ້ຄົນນອກ ເຂົ້າໃນເຂດເສດຖະກິດພິເສດ ສາມຫຼ່ຽມຄໍາ ຕື່ມອີກ 14 ວັນ ເຊິ່ງເລີ່ມແຕ່ວັນທີ 26 ກຸມພາ ຫາ 10 ມີນາ 2020 ເພື່ອສະກັດກັ້ນການແຜ່ລະບາດຂອງພະຍາດອັກເສບປອດສາຍພັນໃໝ່ (COVID-19).

ເຈົ້າໜ້າທີ່ຈາກຫ້ອງວ່າການປົກຄອງແຂວງ ບໍ່ແກ້ວ ໄດ້ໃຫ້ສໍາພາດທາງໂທລະສັບຕໍ່ທິມຂ່າວວຽງຈັນທາຍ ມື້ນີ້ວ່າ: ພາຍຫຼັງທີ່ເຂດເສດຖະກິດພິເສດສາມຫຼ່ຽມຄຳ ໄດ້ອອກແຈ້ງການ ໃນວັນອັງຄານ, ທາງການແຂວງແມ່ນບໍ່ອະນຸຍາດໃຫ້ປະຊາຊົນທີ່ອາສຢູ່ທາງນອກເຂົ້າໄປໃນເຂດດັ່ງກ່າວໃນລະຫວ່າງ 14 ວັນນັບແຕ່ວັນທີ 26 ກຸມພາ ຫາ ວັນທີ 10 ມີນາ 2020.

ໃນຂະນະດຽວກັນ, ປະຊາຊົນພາຍໃນເຂດດັ່ງກ່າວສາມາດອອກຈາກເຂດນັ້ນໄດ້ ແຕ່ເຈົ້າໜ້າທີ່ ຈະບໍ່ອະນຸຍາດໃຫ້ພວກເຂົາເຈົ້າກັບຄືນເຂົ້າໄປໃນເຂດດັ່ງກ່າວພາຍໃນ 14 ວັນ ເຊີ່ງມີຈຸດປະສົງໃນການປ້ອງກັນພະຍາດ (COVID-19).

ເຈົ້າໜ້າທີ່ຂັ້ນສູງຈາກຫ້ອງວ່າການປົກຄອງແຂວງ ບໍ່ແກ້ວ ຜູ້ທີ່ບໍ່ປະສົງອອກຊື່ ຍັງໄດ້ກ່າວຕື່ມອີກວ່າ: ນີ້ແມ່ນຄັ້ງທີສອງທີ່ເຂດເສດຖະກິດພິເສດສາມຫຼ່ຽມຄຳ ໄດ້ຫ້າມບໍ່ໃຫ້ປະຊາຊົນເຂົ້າໄປໃນເຂດດັ່ງກ່າວ. ຄັ້ງທຳອິດ ແມ່ນໂຈະຊົ່ວຄາວຕັ້ງແຕ່ວັນທີ 9-25 ກຸມພາ ທີ່ຜ່ານມາ.

ຂ່າວ: ວຽງຈັນທາຍ

ພາບ ປະກອບ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ