Vientiane Times Lao
ເຈົ້າໜ້າທີ່ຂົວມິດຕະພາບລາວ-ໄທແຫ່ງທີ 1 (ເບື້ອງໜອງຄາຍ) ຢຶດຢາເສບຕິດ 3 ປະເພດຈາກປະເທດລາວຂ້າມໄປໄທ

ເຈົ້າໜ້າທີ່ຂົວມິດຕະພາບລາວ-ໄທແຫ່ງທີ 1 (ເບື້ອງໜອງຄາຍ) ຢຶດຢາເສບຕິດ 3 ປະເພດຈາກປະເທດລາວຂ້າມໄປໄທ

ເຈົ້າໜ້າທີ່ດ່ານພາສີ ເມືອງໜອງຄາຍ ປະເທດໄທ (ຂົວມິດຕະພາບລາວ-ໄທແຫ່ງທີ 1) ແລະ ພາກສ່ວນທີ່ກຽ່ວຂ້ອງສາມາດກວດຢຶດຢາເສບຕິດໄດ້ 3 ປະເພດເມື່ອມໍ່ໆມານີ້ ຊຶ່ງຢາເສບຕິດດັ່ງກ່າວປະກອບມີ ຢາບ້າຫຼາຍກວ່າ 3,8 ລ້ານເມັດ, ຢາໄອ 10 ກິໂລກຣາມ ແລະ ຢາອີ 50.000 ເມັດທີ່ຊຸກເຊື່ອງໄວ້ໃນສະແຕກນໍ້າມັນເຊື້ອໄຟ ພາຍຫຼັງທີ່ລົດຄັນດັ່ງກ່າວໄດ້ຂົນນໍ້າມັນເຊື້ອໄຟຈາກປະເທດໄທ ຂ້າມມາສົ່ງຢູ່ປະເທດລາວ ເມື່ອເອົານໍ້າມັນອອກແລ້ວໄດ້ເອົາຢາເສບຕິດດັ່ງກ່າວຢັດໃສ່ແທນ ໂດຍຢາເສບຕິດຈໍານວນດັ່ງກ່າວມີມູນຄ່າຫຼາຍກວ່າ 100 ລ້ານບາດ.

ຄົນຂັບລົດຄັນດັ່ງກ່າວຊຶ່ງເປັນຄົນໄທໄດ້ຍອມຮັບສາລະພາບວ່າ: ຢາເສບຕິດຈໍານວນດັ່ງກ່າວ ແມ່ນໄດ້ຮັບຈ້າງຂົນຂ້າມມາປະເທດໄທໂດຍແມ່ນຄົນລາວ ເພດຍິງ ເປັນຜູ້ວ່າຈ້າງໂດຍໄດ້ຮັບຄ່າຈ້າງ 50.000 ບາດ, ພາຍຫຼັງທີ່ໄດ້ເອົານໍ້າມັນອອກໝົດແລ້ວໄດ້ຂີ່ລົດໄປຮັບເອົາຢາເສບຕິດດັ່ງກ່າວຢູ່ເສັ້ນທາງ 450ປີ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ