Vientiane Times Lao
ເຈົ້າໜ້າທີ່ຍັງກວດພົບ ແລະ ຢຶດລົດໃຫຍ່ ທີ່ນໍາເຂົ້າບໍ່ຖືກຕ້ອງໃນແຕ່ລະໄລຍະ

ເຈົ້າໜ້າທີ່ຍັງກວດພົບ ແລະ ຢຶດລົດໃຫຍ່ ທີ່ນໍາເຂົ້າບໍ່ຖືກຕ້ອງໃນແຕ່ລະໄລຍະ

ການລັກລອບນໍາເຂົ້າປະເພດລົດໃຫຍ່ ຂອງຄົນລາວແບບຜິດກົດໝາຍ (ຊື້ ຫຼື ນໍາເຂົ້າລົດເຖື່ອນ) ຈາກປະເທດເພື່ອນບ້ານໂດຍສະເພາະຢູ່ບັນດາປະເທດ ຫຼື ແຂວງທີ່ມີຊາຍແດນຕິດກັບປະເທດລາວ ຍັງແກ້ໄຂບໍ່ຕົກ ເພາະສັງເກດໄດ້ວ່າເຈົ້າໜ້າທີ່ພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ກົມພາສີ ກະຊວງການເງິນ ໄດ້ກວດພົບ ແລະ ຢຶດປະເພດລົດໃຫຍ່ທີ່ນໍາເຂົ້າບໍ່ຖືກຕ້ອງໃນແຕ່ລະໄລຍະ.

 ຫຼ້າສຸດ, ເມື່ອມໍ່ໆມານີ້ ເຈົ້າໜ້າທີ່ ພສປ ໄດ້ສົມທົບກັບເຈົ້າໜ້າທີ່ຕໍາຫຼວດຈະລາຈອນ ປະຈຳການຢູ່ປ້ອມກວດກາ ຫຼັກ 2 ເມືອງສີໂຄດຕະບອງ ນະຄອນຫຼວງວຽງຈັນ, ໄດ້ຕິດຕາມກວດກາຢຶດລົດກະບະ 4 ປະຕູຍີຫໍ້: ອີຊູຊູ (Isuzu) ສີເທົາ ໄດ້ຈໍານວນ 01 ຄັນ.

ຜ່ານການສືບສວນ-ສອບສວນເບື້ອງຕົ້ນເຫັນວ່າ: ລົດຄັນດັ່ງກ່າວແມ່ນນໍາເຂົ້າມາບໍ່ຖືກຕ້ອງ ແລະ ນໍາໃຊ້ບໍ່ຖືກເປົ້າໝາຍ, ພ້ອມສວມປ້າຍທະບຽນປອມ, ຊຶ່ງເຈົ້າໜ້າທີ່ພາສີໄດ້ດຳເນີນຄະດີຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ.

ທີ່ມາ: ຂ່າວສານ ກະຊວງການເງິນ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ