Visit BigblueAgency
ເຊີນທ່ຽວ! ງານບຸນແຫ່ໜັງສືຜູກໃບລານ ຕິດພັນກັບການເປີດປີທ່ອງທ່ຽວລາວ 2024 ຂອງເມືອງຈຳພອນ

ເຊີນທ່ຽວ! ງານບຸນແຫ່ໜັງສືຜູກໃບລານ ຕິດພັນກັບການເປີດປີທ່ອງທ່ຽວລາວ 2024 ຂອງເມືອງຈຳພອນ

ອໍານາດການປົກຄອງເມືອງຈຳພອນ ແຂວງສະຫວັນນະເຂດ ໄດ້ກຳນົດເອົາບຸນປະເພນີແຫ່ໜັງສືຜູກໃບລານ ຫໍໄຕປີດົກ ເປັນບຸນຕິດພັນກັບການເປີດປີທ່ອງທ່ຽວລາວ 2024 ຂອງເມືອງຈຳພອນ ຊຶ່ງຈະຈັດຂຶ້ນໃນລະຫວ່າງວັນທີ 23-25 ມີນາ 2024 ນີ້ ຢູ່ທີ່ບ້ານໜອງລຳຈັນ.

ງານບຸນໃນຄັ້ງນີ້ ຈະມີຫຼາຍກິດຈະກຳທາງດ້ານ​ວັດທະນະທຳ ແລະ ວາງສະ​ແດງຂາຍ​ສິນຄ້າ ທີ່ໜ້າສົນໃຈມາທ່ຽວຊົມ ຢ່າງມ່ວນຊື່ນ ເຊັ່ນ: ຊົມຂະບວນສິລະປະຂອງນ້ອງນັກຮຽນ ຂະບວນຟ້ອນຂອງຊົນເຜົ່າຜູ້ໄທ ແລະ ລຳຄອນສະຫວັນເອກະລັກເມືອງ, ພ້ອມນັ້ນ ຍັງມີງານວາງສະແດງສິນຄ້າກະສິກຳ-ຫັດຖະກຳ 14 ກຸ່ມບ້ານຂອງເມືອງຈຳພອນ ເປັນຕົ້ນ: ສາດຜືບ້ານເຫຼົ່າໜາດ, ຫວາຍບ້ານເຫຼົ່າຫົວຄຳ, ປາແດກບ້ານດອນແດງ ແລະ ດອນແຍງ, ເຕົາປະຢັດບ້ານບຶກທົ່ງ, ທູບຫອມບ້ານນົກກົກ, ນ້ຳຢາພື້ນເມືອງທ່ານໝໍສີທຸ່ຍ, ເກືອກາໄຊແກ້ງກອກ.

ພ້ອມກັນນັ້ນ, ອໍານາດການປົກຄອງເມືອງຈຳພອນ ຍັງໄດ້ກະກຽມທາງດ້ານສະຖານທີ່ທ່ອງທ່ຽວດ້ານຕ່າງໆເພື່ອຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ເຊັ່ນ: ແຫຼ່ງທ່ອງທ່ຽວທາງດ້ານວັດທະນະທຳ, ປະຫວັດສາດ ແລະ ທໍາມະຊາດ  ເປັນຕົ້ນ: ຫໍໄຕປີດົກບ້ານໝອງລຳຈັນ, ວັດເກົ່າບ້ານຕາແຫຼວ ແລະ ວັດທາດກູ່ບ້ານສີທອງ, ແຫຼ່ງທ່ອງທ່ຽວດົງລີງ ບ້ານດົງເມືອງ, ໜອງປາຝາ ບ້ານດອນແດງ, ແຂ້ນ້ຳຈືດບ້ານຕານສຸມ ແລະ ອ່າງເກັບນ້ຳຝາຍສຸຍ.

ແຫຼ່ງຂ່າວ: Media Laos

Related Articles

Leave a Reply