ສະພາບການເກີດອຸບັດເຫດຕາມທ້ອງຖະໜົນຢູ່ປະເທດລາວ ຍັງໜ້າເປັນຫ່ວງ ເຖິງແມ່ນວ່າເຈົ້າໜ້າທີ່ຕໍາຫຼວດ ຈະໃຊ້ມາດຕະການຕ່າງໆເພື່ອຫຼຸດຜ່ອນອຸບັດເຫດກໍຕາມ, ຊຶ່ງອຸບັດເຫດທີ່ເກີດຂຶ້ນສ່ວນໃຫຍ່ ຍ້ອນການລະເມີດກົດລະບຽບການສັນຈອນຂອງຜູ້ຂັບຂີ່ ທີ່ເປັນປັດໄຈພາໃຫ້ເກີດອຸບັດເຫດ ແລະ ເຮັດໃຫ້ມີທັງເສຍຊີວີດ ແລະ ເສຍຫາຍທາງດ້ານຊັບສິນ.
ກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບ ແຈ້ງໃຫ້ຮູ້ເມື່ອບໍ່ດົນມານີ້ວ່າ: ສະເພາະເດືອນກຸມພາ 2022 ຜ່ານມານີ້ ມີຜູ້ເສຍຊີວິດເຖິງ 108 ຄົນ, ບາດເຈັບ 1.071 ຄົນ ແລະ ມີພາຫະນະເປ່ເພ 1. 237 ຄັນ ຈາກອຸບັດເຫດເກີດຂຶ້ນທັງໝົດ 649 ກໍລະນີ ໃນທົ່ວປະເທດ ແຕ່ເມື່ອທຽບກັບຜູ້ເສຍຊີວິດໃນເດືອນມັງກອນ ທີ່ຜ່ານມາ ແມ່ນຫຼຸດລົງ 1 ຄົນ ຊຶ່ງມີຜູ້ເສຍຊີວິດ 109 ຄົນ.
ໃນນັ້້ນ, ສາເຫດການເກີດອຸບັດເຫດສ່ວນໃຫຍ່ ແມ່ນເກິດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະ ຂັບຂີ່ໄວເກີນກຳນົດ, ແຊງຊ້າຍ-ຂວາບໍ່ຮັບປະກັນ ແລະ ອື່ນໆ, ຮ້າຍແຮງກ່ວານັ້ນ ຜູ້ຂັບຂີ່ຍັງດື່ມສິ່ງມຶນເມົາ ເປັນສາເຫດຂອງການເກີດອຸບັດເຫດຕາມທ້ອງຖະໜົນ, ໃນນັ້ນ ອຸບັດເຫດສ່ວນຫຼາຍແມ່ນເກີດນັບ ແຕ່ເວລາ 18:00-24:00 ໃນກຸ່ມອາຊີບ ກໍາມະກອນ ແລະ ກຸ່ມນັກຮຽນ ນັກສຶກສາ.
ຂໍ້ມູນ: ກົມຕຳຫຼວດຈະລາຈອນ
ຮູບ: ໜ່ວຍກູ້ໄພ
