Visit BigblueAgency
ເດືອນຕຸລາ ມີຜູ້ເສຍຊີວິດເຖິງ 53 ຄົນ ຈາກອຸບັດເຫດໃນທົ່ວປະເທດ

ເດືອນຕຸລາ ມີຜູ້ເສຍຊີວິດເຖິງ 53 ຄົນ ຈາກອຸບັດເຫດໃນທົ່ວປະເທດ

ປະ­ຈຸ­ບັນ ການ​ເກີດ​ອຸ­ບັດ­ເຫດ​ຢູ່​ຕາມ​ສາຍ​ທາງ​ຕ່າງໆ​ ໄດ້ເພີ່ມຂຶ້ນໃນແຕ່ລະວັນ ເປັນຈໍານວນຫຼາຍໃນຂອບເຂດ​ທົ່ວ​ປະ­ເທດ, ສະເພາະເດືອນຕຸລາ 2023 ຜ່ານມານີ້ ມີຜູ້ເສຍຊີວິດເຖິງ 53 ຄົນ ຈາກອຸບັດເຫດຕາມທ້ອງຖະໜົນໃນທົ່ວປະເທດ ຫຼຸດລົງ 7 ຄົນ ຖ້າທຽບໃສ່ເດືອນກັນຍາທີ່ຜ່ານມາ ຊຶ່ງມີຜູ້ເສຍຊີວິດ 60 ຄົນ.

​ອີງຕາມກົມ​ຕຳ­ຫຼວດ​ຈາລະຈອນ ໄດ້ລາຍ​ງານ​ສະ­ພາບ​ການ​ເກີດ​ອຸ­ບັດ­ເຫດ​ທົ່ວ​ປະ­ເທດ​ປະ­ຈຳ​ເດືອນຕຸລາ 2023 ທີ່ຜ່ານມາ ຊາບ​ວ່າ: ສະພາບອຸບັດເຫດຕາມທ້ອງຖະໜົນໃນຂອບເຂດທົ່ວປະເທດຍັງໜ້າເປັນຫ່ວງ ເຖິງແມ່ນວ່າເຈົ້າໜ້າທີ່ຕໍາຫຼວດ ຈະໃຊ້ມາດຕະການຕ່າງໆເພື່ອຫຼຸດຜ່ອນອຸບັດເຫດກໍ່ຕາມ, ສະເພາະເດືອນຕຸລາ 2023 ນີ້ ມີຈຳນວນອຸບັດເຫດເກີດຂຶ້ນທັງໝົດ 458 ຄັ້ງ ຊຶ່ງເຮັດໃຫ້ ມີຜູ້ບາດເຈັບ  702 ຄົນ ແລະ ມີ​ພາ­ຫະ­ນະ​ເປ່​ເພ ​ທັງ​ໝົດ 828 ຄັນ.

 ສາເຫດທີ່ພາໃຫ້ເກີດອຸບັດເຫດແຕ່ລະຄັ້ງ ສ່ວນໃຫຍ່ເກີດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະຂັບ​ຂີ່​ໄວ​ເກີນ​ກຳ­ນົດ, ດື່ມສິ່ງມຶນເມົາ ແລະ ອື່ນໆ.

Related Articles

Leave a Reply