Visit BigblueAgency
ເຕືອນ! ປະຊາຊົນແຂວງຄໍາມ່ວນ, ສະຫວັນນະເຂດ ແລະ ສາລະວັນ ທີ່ອາໄສຢູ່ລຽບຕາມແຄມນໍ້າລະວັງນໍ້າຖ້ວມກະທັນຫັນ

ເຕືອນ! ປະຊາຊົນແຂວງຄໍາມ່ວນ, ສະຫວັນນະເຂດ ແລະ ສາລະວັນ ທີ່ອາໄສຢູ່ລຽບຕາມແຄມນໍ້າລະວັງນໍ້າຖ້ວມກະທັນຫັນ

ກົມອຸຕຸນິຍົມ ແລະ ອຸທົກກະສາດໄດ້ພະຍາກອນອາກາດປະຈໍາວັນທີ 16 ກັນຍາ 2023 ນີ້ວ່າ: ຮ່ອງຄວາມກົດດັນອາກາດຕໍ່າ ຫຼື ຮ່ອງຝົນ ຍັງຈະສືບຕໍ່ພາດຜ່ານຢູ່ເຂດພາກກາງຂອງປະເທດລາວ ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍຢູ່ໃນແຕ່ລະພາກ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖີ່ນ ແຂວງພາກກາງ ລົງຫາ ພາກໃຕ້. ສໍາລັບລະດັບນໍ້າ ຍັງສືບຕໍ່ເຝົ້າລະວັງ ໂດຍສະເພາະ ຢູ່ສະຖານີຂົວເຊບັ້ງໄຟ, ເຊຈໍາພອນ, ສະຖານີວາປີ, ສຸວັນນະຄີລີ.

ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອໍານາດການ ປົກຄອງທຸກພາກສ່ວນ ທີ່ອາໄສຢູ່ແຂວງພາກກາງ ລົງຫາ ພາກໃຕ້ ໂດຍສະເພາະ ແຂວງຄໍາມ່ວນ, ສະຫວັນນະເຂດ ແລະ ສາລະວັນ ທີ່ອາໄສຢູ່ລຽບຕາມແຄມນໍ້າເຊບັ້ງໄຟ, ເຊຈໍາພອນ ແລະ ເຊໂດນຈົ່ງມີສະຕິລະວັງຕໍ່ສະພາບຝົນຕົກໜັກ ທີ່ຈະເຮັດໃຫ້ເກີດມີນໍ້າຖ້ວມ ທີ່ຈະເກີດຂຶ້ນໃນໄລຍະນີ້.

ສໍາລັບນະຄອນຫຼວງວຽງຈັນ ຈະມີຝົນຕົກໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດຢູ່ບາງບໍລິເວນ ຫຼື ເນື້ອທີ່ປົກຫຸ້ມ ຂອງຝົນເທົ່າກັບ 55%.

Related Articles

Leave a Reply