ບໍລິສັດ ເບຍລາວ ຈໍາກັດ ໄດ້ມອບເງິນຊ່ວຍເຫຼືອບັນດາແຂວງພາກໃຕ້ຈໍານວນ 300 ລ້ານກີບ ໂດຍຜ່ານກະຊວງສາທາລະນະສຸກ ເພື່ອໃຫ້ແຂວງທີ່ໄດ້ຮັບຜົນກະທົບໜັກຈາກ ການ ແຜ່ລະບາດຂອງພະຍາດໂຄວິດ-19 ໂດຍມີຜູ້ຕິດເຊື້ອຈໍານວນຫຼາຍໃນແຕ່ລະວັນ ໂດຍສະເພາະແຂວງຈໍາປາສັກ ແລະ ແຂວງສະຫວັນນະເຂດ ໃນການຊື້ຕຽງນອນ ແລະ ອຸປະກອນການແພດຈໍານວນໜຶ່ງໃຫ້ສູນຈໍາກັດບໍລິເວນ.
ພິທີມອບ-ຮັບເງິນຊ່ວຍເຫຼືອດັ່ງກ່າວ ໄດ້ຈັດຂຶ້ນໃນວັນທີ 19 ກໍລະກົດ 2021 ທີ່ຜ່ານມາຢູ່ກະຊວງສາທາລະນະສຸກ ມອບໂດຍ ທ່ານ ສູນທອນ ພົມມະຈັກ ປະທານບໍລິສັດ ເບຍລາວ ຈໍາກັດ ແລະ ຮັບໂດຍ ທ່ານ ປອ. ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ.
ນອກນັ້ນບໍລິສັດ ລາວ ເກດເວຈໍາກັດ ກໍໄດ້ມອບເງິນ 200 ລ້ານກີບໃຫ້ກະຊວງສາທາລະນະສຸກ ເພື່ອໃຊ້ໃນວຽກງານປ້ອງກັນ ແລະ ຊື້ອຸປະກອນການແພດເຊັ່ນກັນ.
