Vientiane Times Lao
ເມຍທີ່ສູນຫາຍໃນເວລາໄປຫາປາກັບຜົວຢູ່ບ້ານນາໄຫ-ນາໂນຍັງບໍ່ຮູ້ຊາຕາກໍາ

ເມຍທີ່ສູນຫາຍໃນເວລາໄປຫາປາກັບຜົວຢູ່ບ້ານນາໄຫ-ນາໂນຍັງບໍ່ຮູ້ຊາຕາກໍາ

ທີມງານມູນນິທິຊ່ວຍເຫຼືອຄົນທຸກຍາກແຫ່ງປະເທດລາວ 1623 ແຈ້ງຕໍ່ທີມງານວຽງຈັນທາຍຕອນເຊົ້າວັນທີ 17 ກັນຍານີ້ວ່າ: ປະຈຸບັນນີ້ກຽມນັກປະດານໍ້າໄປຄົ້ນຫາສົບຍິງອາຍຸປະມານ 15 ປີ ທີ່ສູນຫາຍໃນເວລາໄປຫາປາກັບຜົວຢູ່ບ້ານນາໄຫ-ນາໂນ ເມືອງຫາດຊາຍອງ ນະຄອນຫລວງວຽງຈັນເປັນເທື່ອທີສອງ, ເຫດສູນຫາຍດັ່ງກ່າວແມ່ນໃນເວລາປະມານ 20 ໂມງ 00 ຂອງມື້ວັນທີ 16 ກັນຍາທີ່ຜ່ານມາ ຢູ່ ຂົວຂອງເສັ້ນທາງ 450 ປີ ໃນເຂດບ້ານດັ່ງກ່າວ, ຫຼັງຈາກທີ່ຄົ້ນຫາໃນຕອນແລງຂອງມື້ວານນີ້ ແຕ່ບໍ່ພົບ.
ນາງແອນນີ້ ຊຶ່ງເປັນປ້າຂອງຜູ້ສູນຫາຍໄດ້ກ່າວວ່າ: ຍິງຄົນດັ່ງກ່າວຊື່ກີ້ ເປັນປະຊາຊົນບ້ານຊຽງດາ ເມືອງໄຊເສດຖາ ນະຄອນຫລວງວຽງຈັນ ໂດຍໄດ້ມາອາໄສຢູ່ກັບຜົວ ຢູ່ບ້ານນາໄຫ-ນາໂນ, ຊຶ່ງທັງສອງໄດ້ອອກໄປຫາປານໍາກັນຢູ່ຮອງບຶງທີ່ເປັນຂົວຜ່ານທາງ 450 ປີ ໂດຍທີ່ຜົວບໍ່ຮູ້ວ່າເມຍຫາຍຕົວໄປຕອນໃດ? ຫາຍໄປແບບໃດ? ເຫັນແຕ່ຮອຍຕີນທີ່ຍ່າງລົງນໍ້າ ຊຶ່ງຄາດວ່າອາດຈະຈົມນໍ້າ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ