Vientiane Times Lao
ເມືອງທ່າແຕງ ປິດການເຂົ້າ-ອອກ ຫຼັງຈາກມີເດັກອາຍຸ 2 ປີປາຍຕິດເຊື້ອໃນຊຸມຊົນ

ເມືອງທ່າແຕງ ປິດການເຂົ້າ-ອອກ ຫຼັງຈາກມີເດັກອາຍຸ 2 ປີປາຍຕິດເຊື້ອໃນຊຸມຊົນ

ອໍານາດການປົກຄອງ ເມືອງທ່າແຕງ ແຂວງເຊກອງ ໄດ້ອອກແຈ້ງການເມື່ອມໍ່ໆມານີ້ ເຖິງພໍ່ແມ່ປະຊາຊົນ ບັນດາເຜົ່າ ຊາບວ່າ: ໃຫ້ປິດການເຂົ້າ-ອອກເມືອງ ແລະ ຫ້າມຈັດກິດຈະການຕ່າງໆ ນັບແຕ່ວັນທີ 14-19 ກັນຍາ 2021 ນີ້, ຫຼັງຈາກມີຜູ້ຕິດເຊື້ອໃນຊຸມຊົນ 1 ຄົນ ເປັນເດັກນ້ອຍອາຍຸ 2 ປີປາຍ ຢູ່ບ້ານທ່າແຕງເໜືອ ເມືອງທ່າແຕງ ແຂວງເຊກອງເມື່ອວັນທີ 12 ກັນຍາ 2021 ທີ່ຜ່ານມາ ຊຶ່ງໄດ້ກໍານົດເອົາບ້ານທ່າແຕງເໜືອ ແລະ ບ້ານຫ້ວຍຊາຍ ເປັນບ້ານເຂດແດງທີ່ມີຄວາມສ່ຽງສຸງໃນການແຜ່ລະບາດຂອງພະຍາດໂຄວິດ-19, ໃນນັ້ນ ຫ້າມທຸກຄົນເຂົ້າ-ອອກ ຫຼື ເຮັດກິດຈະການຕ່າງໆ ໃນບ້ານເຂດແດງເດັດຂາດ ແລະ ຫ້າມບຸກຄົນພາຍໃນເຂດແດງເດີນທາງໄປເຮັດກິດຈະການຕ່າງໆ ຢູ່ບ້ານອື່ນຢ່າງເດັດຂາດ.

ຖ້າກໍລະນີມີຄວາມຈໍາເປັນ ເຊັ່ນ: ກໍລະນີເຈັບໄຂ້, ໄປໂຮງໝໍ, ໄປເຮັດກິດຈະການສະເພາະຄອບຄົວຕົນເອງ ແມ່ນຕ້ອງໄດ້ຮັບອະນຸຍາດຈາກຄະນະບ້ານ ແລະ ຈາກຄະນະສະເພາະກິດຂັ້ນເມືອງ, ທັງນີ້ກໍ່ເພື່ອເປັນການເພີ່ມທະວີໃນການປ້ອງກັນການແຜ່ລະບາດຂອງພະຍາດໂຄວິດ-19 ທີ່ຍັງມີທ່າອ່ຽງເພີ່ມຂື້ນໃນແຕ່ລະວັນ ພາຍໃນແຂວງ.

ຮອດ​ປັດ​ຈຸ​ບັນ​ນີ້ ແຂວງ ​ເຊກອງ ​ມີ​ຜູ້​ຕິດ​ເຊື້ອ​ສະ​ສົມ​ຈາກ​ພະ​ຍາດ​ໂຄວິດ-19 ແລ້ວ ຈຳ​ນວນ​ທັງ​ໝົດ 7​ ຄົນ.

ລາຍ​ລະ​ອຽດ​ຕ່າງໆ​ລະ​ບຸ​ໄວ້​ຕາມ​ການ​ແຈ້ງ​ການ​ດັ່ງ​ລຸ່ມ​ນີ້: 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ