Visit BigblueAgency
ເມືອງປາກທາ ຈັດງານເທດສະການ ບຸນພາຂັວນໃຫ່ຍ ຄັ້ງທີ I ຕິດພັນກັບການເປີດປີທ່ອງທ່ຽວລາວ 2024

ເມືອງປາກທາ ຈັດງານເທດສະການ ບຸນພາຂັວນໃຫ່ຍ ຄັ້ງທີ I ຕິດພັນກັບການເປີດປີທ່ອງທ່ຽວລາວ 2024

ອໍານາດການປົກຄອງ ເມືອງປາກທາ ແຂວງບໍ່ແກ້ວ ໄດ້ຈັດງານເທດສະການ ບຸນພາຂັວນໃຫ່ຍ ຄັ້ງທີ I ຕິດພັນກັບການເປີດປີທ່ອງທ່ຽວລາວ 2024 ເມື່ອມໍ່ໆມານີ້ທີ່ເດີ່ນໂຮງຮຽນ ມສ ປາກທາໂດຍການເຂົ້າຮ່ວມຂອງທ່ານ ສຸໄລ ດວງຜາຄຳ ເຈົ້າເມືອງປາກທາ.

ການແຂ່ງຂັນນັກຮ້ອງສຽງດີຖືວ່າເປັນການສ້າງບັນຍາກາດຄຶກຄື້ນໃນງານເທດສະການດັ່ງກ່າວໃນຄັ້ງນີ້ໂດຍມີຜູ້ສະໝັກເຂົ້າຮ່ວມແຂ່ງຂັນທັງໝົດ 12 ນ້ອງ (ຍິງ 2 ນ້ອງ), ຜ່ານການໃຫ້ຄະແນນຂອງຄະນະກຳມະການ ຕາມມາດຖານ, ເງື່ອນໄຂຂອງການປະກວດ ນັບແຕ່ການນຸ່ງຖື, ນ້ຳສຽງການຮ້ອງ-ການລຳ-ລູກເອື້ອນ, ວາດຊົງກິລິຍາທ່າທາງ, ເນື້ອເພງ ແລະ ອື່ນໆ ຜົນປະກົດວ່າ ລາງວັນທີ 1 ເພງລູກທົ່ງບ້ານນາ ໄດ້ແກ່ ທ້າວ ທັນ ວັນນາຄອນ ຕົວແທນຈາກບ້ານດອນສະຫວັນ ເມືອງປາກທາ, ໄດ້ຮັບເງິນສົດ 10 ລ້ານກີບ, ລາງວັນທີ 2 ໄດ້ແກ່ ທ້າວ ຂາວພອນ ຈິດຕະວົງ ຕົວແທນຈາກບ້ານຫາດສະ ໄດ້ຮັບເງິນສົດ 7 ລ້ານກີບ, ລາງວັນທີ 3 ໄດ້ແກ່ ນາງ ສີວິໄລ ດວງປັນຢາ ຄູຝຶກຫັດຈາກໂຮງຮຽປະຖົມປາກທາ ໄດ້ຮັບເງິນສົດ 5 ລ້ານກີບ ແລະ ລາງວັນອື່ນໆ.

ທີ່ມາ: ໜັງສືພິມບໍ່ແກ້ວ

 

Related Articles

Leave a Reply