Vientiane Times Lao
ເມືອງສິງຖືກໄພທໍາມະຊາດຖະຫຼົ່ມໜັກ 2 ຄັ້ງແລ້ວ

ເມືອງສິງຖືກໄພທໍາມະຊາດຖະຫຼົ່ມໜັກ 2 ຄັ້ງແລ້ວ

ຫ້ອງການແຮງງານ ແລະ ສະຫັວດດີການສັງຄົມ ເມືອງສິງ ແຂວງຫຼວງນໍ້າທາ ໃຫ້ຮູ້ວ່າ: ລະດູຝົນຫາເລີ່ມຕົ້ນພຽງແຕ່ 2 ເດືອນ ຢູ່ເມືອງສິງ ແຂວງຫລວງນໍ້າທາ ໄດ້ຖືກໄພທໍາມະຊາດຖະຫລົ່ມຢ່າງໜັກແລ້ວເຖິງ 2 ຄັ້ງ ຊຶ່ງໄດ້ສ້າງຄວາມເສຍຫາຍຫຼາຍກວ່າ 10 ຕື້ກີບ.

ທ່ານນາງ ຫຼ້າມອນ ອ່ອນແສງສີ ຫົວໜ້າຫ້ອງການແຮງງານ ແລະ ສະຫັວດດີການສັງຄົມເມືອງສິງ ໄດ້ແຈ້ງໃຫ້ຮູ້ເມື່ອບໍ່ດົນມານີ້ວ່າ: ເມືອງສິງ ໄດ້ຮັບຜົນກະທົບຈາກໄພພິບັດຈາກທໍາມະຊາດ ແລະ ຖືກເສຍຫາຍຢ່າງໜັກເຖິງ 2 ຄັ້ງ ເປັນຕົ້ນ ຝົນຕົກໜັກ, ລົມພາຍຸພັດແຮງ, ໝາກເຫັບຕົກ ຊຶ່ງໄດ້ເຮັດໃຫ້ເຮືອນຊານ ແລະ ທີ່ຢູ່ອາໄສຂອງປະຊາຊົນ, ເສັ້ນທາງ, ລະບົບໄຟຟ້າ, ໂຮງຮຽນ, ໂຮງງານຂອງຫົວໜ່ວຍທຸລະກິດ, ຫ້າງຮ້ານຕ່າງໆ ເປ່ເພ ຢູ່ 8 ບ້ານ ແລະ ມີ 39 ຄອບຄົວໄດ້ຮັບຜົນກະທົບ.

ທ່ານນາງ ຫຼ້າມອນ ຍັງໃຫ້ຮູ້ຕື່ມວ່າ: ນອກນັ້ນຍັງມີເນື້ອທີ່ໄຮ່, ເນື້ອທີ່ນາ, ເນື້ອທີ່ປູກພຶດ ເສຍຫາຍຫຼາຍກວ່າ 16.836 ເຮັກຕາ, ຜົນຜະລິດເສຍຫາຍຫຼາຍກວ່າ 2.280 ໂຕນ ຊຶ່ງມີປະຊາຊົນ 31 ບ້ານ, ມີ 199 ຄອບຄົວ ໄດ້ຮັບຜົນກະທົບ. ຈາກຜົນກະທົບດັ່ງກ່າວ, ທາງເມືອງສີງໄດ້ຮັບການຊ່ວຍເຫຼືອປະເພດເຂົ້າສານໜຽວຈາກລັດຖະບານ ຈໍານວນ 5 ໂຕນ ກວ່າ, ໂດຍໄດ້ນໍາໄປແຈກຢາຍໃຫ້ປະຊາຊົນຜູ້ທີ່ໄດ້ຮັບຜົນກະທົບ.

ຂ່າວ-ພາບ: ມຸນຕີ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ