Vientiane Times Lao
ເມືອງສີໂຄດຕະບອງຍັງຕິດຕາມຈັບກຸມກຸ່ມແກ້ງທີ່ຕີກັນຢູ່ວັງນໍ້າເຜີ້ງ

ເມືອງສີໂຄດຕະບອງຍັງຕິດຕາມຈັບກຸມກຸ່ມແກ້ງທີ່ຕີກັນຢູ່ວັງນໍ້າເຜີ້ງ

ກອງບັນຊາການ ປກສ ເມືອງສີໂຄດຕະບອງ ນະຄອນຫລວງວຽງຈັນ ແຈ້ງໃຫ້ຮູ້ມື້ວານນີ້ວັນທີ 6 ກໍລະກົດ 2020 ວ່າ: ຍັງບໍ່ສາມາດຈັບກຸມກຸ່ມແກ້ງ ພັກພວກໄວລຸ້ນ ປະມານ 10-20 ຄົນ ທີ່ອາລະວາດຍົກພວກຕີກັນ ຢູ່ທີ່ວັງນໍ້າເຜີ້ງ ເມືອງສີໂຄດຕະບອງ ນະຄອນຫລວງວຽງຈັນ, ເກີດຂື້ນໃນວັນອາທິດທີ 5 ກໍລະກົດ ທີ່ຜ່ານມາ ເວລາ 18: 00 ໂມງ, ອຸປະກອນທີ່ໃຊ້ໃນການຕີກັນຄັ້ງນີ້ແມ່ນໄມ້ຄ້ອນ ຊຶ່ງໄດ້ມີຜູ້ບາດເຈັບ 4 ຄົນ.

ກອງບັນຊາການ ປກສ ເມືອງສີໂຄດຕະບອງ ແຈ້ງໃຫ້ຮູ້ຕື່ມອີກວ່າ: ປັດຈຸບັນນີ້ ເຈົ້າໜ້າທີ່ ຍັງສືບຕໍ່ຈັດຕັ້ງກໍາລັງລົງສືບສວນ-ສອບສວນຂະຫຍາຍຜົນຫາກຸ່ມແກ້ງທີ່ຍົກພວກຕີກັນດັ່ງກ່າວ. ສະເພາະ 4 ຄົນທີ່ໄດ້ຮັບບາດເຈັບຢູ່ທີ່ເກີດເຫດໄດ້ກ່າວອ້າງວ່າ: ໃນເວລາໄວລຸ້ນຕີກັນພວກເຂົາໄດ້ເຂົ້າໄປຫ້າມ ແລະ ກໍຖືກເຂົາຫວ່ານຊາຍເຂົ້າຕາ ແລ້ວຖືກຫຸ້ມຕີ, ບໍ່ແມ່ນຢູ່ໃນພວກກຸ່ມແກ້ງທີ່ອາລະວາດຕີກັນ ແຕ່ທາງເຈົ້າໜ້າທີ່ກໍຈະຍັງສືບສວນ-ສອບສວນ 4 ຄົນເຈັບດັ່ງກ່າວຢູ່ເພື່ອຂະຫຍາຍຜົນຫາຜູ້ກະທໍາຜິດ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ