Vientiane Times Lao
<strong>ເມືອງແບງ ຈະຈັດງານເທດສະການ ສົ່ງເສີມສີນຄ້າຜ້າຝ້າຍພື້ນເມືອງຄັ້ງທີ 4</strong>

ເມືອງແບງ ຈະຈັດງານເທດສະການ ສົ່ງເສີມສີນຄ້າຜ້າຝ້າຍພື້ນເມືອງຄັ້ງທີ 4

ອົງການປົກຄອງເມືອງແບງ ແຂວງອຸດົມໄຊ ໄດ້ກຳນົດການຈັດງານເທດສະການສົ່ງເສີມສິນຄ້າຜ້າຝ້າຍພື້ນເມືອງ ຄັ້ງທີ 4 ໃນລະຫວ່າງວັນທີ 25 ພະຈິກ-2 ທັນວາ 2022 ທີ່ຈະມາເຖີງນີ້ ທີ່ເດີ່ນບານຂອງເມືອງ ເພື່ອເປັນການຊຸກຍູ້ ແລະ ສົ່ງເສີມການຜະລິດສີນຄ້າຜ້າຝ້າຍພື້ນເມືອງ ສີໄມ້ລາຍມືຂອງບັນດາເຜົ່າ ພ້ອມທັງເປັນການສົ່ງເສີມການທ່ອງທ່ຽວພາຍໃນເມືອງ “ລາວທ່ຽວລາວ”.

ພາຍໃນງານດັ່ງກ່າວ ຈະມີສິນຄ້າຫຼາກຫຼາຍຊະນິດໃຫ້ທ່ານເລືອກຊື້ ເປັນຕົ້ນ ແຜ່ນແພ ແລະ ເຄື່ອງນຸ່ງ,​ ເຄື່ອງຫັດຖະກໍາສີໄມ້ລາຍມືຂອງປະຊາຊົນບັນດາເຜົ່າ ແລະ ອື່ນໆ ອີກ. ນອກຈາກນັ້ນ, ໃນຄ່ໍາຄືນງານດັ່ງກ່າວ ບັນດາທ່ານ ຍັງຈະໄດ້ຊົມລາຍການສະແດງສິລະປະວັນນະຄະດີ, ນັກຮ້ອງ ສີລະປິນທີ່ມີຊື່ສຽງຈາກນະຄອນຫຼວງວຽງຈັນ ມ່ວນຊື່ນຕາມຮີດຄອງປະເພນີ.

ຂໍ້ມູນ: ສື່ມວນຊົນ ເມືອງແບງ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ