Vientiane Times Lao
ເມືອງ ຕົ້ນເຜິ້ງ ຢຶດສິນຄ້າທີ່ນໍາເຂົ້າບໍ່ຖືກຕ້ອງຕາມລະບຽບກົດໝາຍຈາກປະເທດໄທ

ເມືອງ ຕົ້ນເຜິ້ງ ຢຶດສິນຄ້າທີ່ນໍາເຂົ້າບໍ່ຖືກຕ້ອງຕາມລະບຽບກົດໝາຍຈາກປະເທດໄທ

ເຈົ້າໜ້າທີ່ ປກສ ເມືອງ ຕົ້ນເຜິ້ງ ແຂວງ ບໍ່ແກ້ວ ໄດ້ ຮັບແຈ້ງຈາກພົນລະເມືອງດີ ໃນຕອນເຊົ້າ ວັນທີ 26 ມັງກອນ 2021 ຜ່ານມານີ້ວ່າ: ໄດ້ມີການລັກ ລອບ ນໍາເຂົ້າສິນຄ້າທີ່ບໍ່ຖືກຕ້ອງຕາມລະບຽບກົດໝາຍຈາກປະເທດໄທ ເຂົ້າມາທາງເຂດດອນເຜິ້ງ ເມືຶອງ ຕົ້ນເຜິ້ງ ແຂວງ ບໍ່ແກ້ວ.

ດັ່ງນັ້ນ ທາງເຈົ້າໜ້າທີ່ ໄດ້ລົງຕິດຕາມພົບວ່າ ມີການລັກລອບນໍາເຂົ້າແທ້ ຈຶ່ງໄດ້ຍຶດສິນຄ້າຈໍານວນດັ່ງກ່າວ ແລະ ພາຫະນະ ລົດວີໂກ້ ຈໍານວນ 01 ຄັນ, ເຮືອກາບ 01 ລໍາ ພ້ອມຈັກ, ພ້ອມທັງກັກຕົວຜູ້ກະທຳຜິດ ທັງ 03 ຄົນ ຊຶ່ງເປັນປະຊາຊົນບ້ານ ດອນສະຫວັນ ເມືອງ ຕົ້ນເຜິ້ງ ມາສືບສວນ-ສອບສວນ ແລະ ເຮັດບົດບັນທຶກ, ສຶກສາອົບຮົມກ່າວເຕືອນ ເພື່ອບໍ່ໃຫ້ລັກລອບນໍາເຂົ້າສິນຄ້າທີ່ບໍ່ຖືກຕ້ອງຕາມລະບຽບກົດໝາຍອີກ, ເນື່ອງຈາກເປັນໄລຍະທີ່ທາງອົງການປົກຄອງແຕ່ລະຂັ້ນໄດ້ອອກແຈ້ງການໂຈະການນໍາເຂົ້າສິນຄ້າຊົ່ວຄາວ ຈາກປະເທດໃກ້ຄຽງໃນໄລຍະທີ່ມີການລະບາດຂອງພະຍາດໂຄວິດ-19.

ສໍາລັບ ສິນຄ້າທີ່ຍຶດມາໄດ້ແມ່ນສິນຄ້າປະເພດ ຊີ້ນ ໝູຈໍານວນ 995 ກິໂລ, ຊຶ່ງທາງເຈົ້າໜ້າທີ່ ປກສ ເມືອງ ໄດ້ນໍາໄປຂຸດຂຸມຝັງຢູ່ຂ້າງເດີ່ນກິລາຂອງ ເມືອງ.

ແຫຼ່ງຂໍ້ມູນຂ່າວ: ປກສ ເມືອງ ຕົ້ນເຜິ້ງ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ