Vientiane Times Lao
ເວັບໄຊການຄ້າອອນລາຍ Ezbuylao.com ແມ່ນຂົວຕໍ່ການຄ້າລະຫວ່າງຫວຽດນາມ-ລາວ

ເວັບໄຊການຄ້າອອນລາຍ Ezbuylao.com ແມ່ນຂົວຕໍ່ການຄ້າລະຫວ່າງຫວຽດນາມ-ລາວ

ເນື່ຶອງຈາກການຄ້າຂາຍທາງອອນລາຍ ແລະ ການຄ້າທາງເອເລັກໂທນິກ (e-commerce) ກຳລັງໄດ້ຮັບຄວາມນິຍົມ ແລະ ເຕີບໂຕຢູ່ຫລາຍປະເທດໃນທົ່ວໂລກບໍລິສັດ CKC Global ກໍໄດ້ເລັງເຫັນໂອກາດໃນການເຮັດທຸລະກິດດັ່ງກ່າວຢູ່ປະເທດລາວ.

ການຄ້າອອນລາຍແມ່ນຂົວຕໍ່ລະຫວ່າງວິສາຫະກິດຂອງແຕ່ລະປະເທດກັບວິສາຫະກິດຂອງປະເທດອື່ນໆໃນທົ່ວໂລກ.

ມີຫລາຍບໍລິສັດການຄ້າທາງເອເລັກໂທນິກໃຫຍ່ໆທີ່ໄດ້ປະສົບຜົນສຳເລັດໃນການຄ້າຂາຍອອນລາຍເຊັ່ນ: ບໍລິສັດ Amazon ຂອງປະເທດສະຫະລັດອາເມລິກາ ແລະ ບໍລິສັດ Alibaba ຂອງຈີນຊຶ່ງໄດ້ນຳເອົາຜົນປະໂຫຍດມາໃຫ້ແກ່ຜູ້ຊົມໃຊ້ໃນທົ່ວໂລກໂດຍອິງໃສ່ຮູບແບບເສດຖະກິດເພື່ອແຜ່ແບ່ງປັນ.

ໂດຍເລັງເຫັນໄດ້ທ່າແຮງຂອງທຸລະກິດອອນລາຍດັ່ງກ່າວບໍລິສັດ CKC Global ຈຶ່ງໄດ້ນຳໃຊ້ຮູບແບບ ເສດຖະກິດ ເພື່ອແຜ່ແບ່ງປັນດັ່ງກ່າວໂດຍການສ້າງຕັ້ງເວັບໄຊ້ການຄ້າອອນລາຍ ezbuylao.com.

ບໍລິສັດ CKC Global ໃນເມື່ອກ່ອນເອີ້ນວ່າ CKC ຫວຽດນາມໄດ້ຖືກສ້າງຕັ້ງຂື້ນໃນປີ 2007. ປະຈຸບັນນີ້ບໍລິສັດ CKC Global ໄດ້ຮັບການຍອມຮັບຈາກບັນດາວິສາຫະກິດລາວວ່າເປັນບໍລິສັດ ທີ່ມີຫຼາຍສາຂາວິຊາການທີ່ມີປະສິດຕິພາບສູງ.

ນອກຈາກນັ້ນ, ບໍລິສັດ CKC Global ຍັງມີສະພາທີ່ປຶກສາຂອງບັນດາຜູ້ຊ່ຽວຊານດ້ານນະໂຍບາຍ, ການເງິນ ແລະ ເສດຖະກິດຊັ້ນນໍາຂອງຫວຽດນາມເພື່ອຊ່ວຍວາງຍຸດທະສາດເພື່ອຮັບປະກັນການດຳເນີນທຸລະກິດທີມີປະສິດທິພາບ ແລະ ສົ່ງມອບການບໍລິການທີດີເລີດໃຫ້ແກ່ລູກຄ້າ.

ບໍລິສັດ CKC Global ຍັງໄດ້ຮັບການສະໜັບສະໜູນ ແລະ ຕີລາຄາສູງຈາກຜູ້ຊ່ຽວຊານໃນສະຖາບັນຍຸດທະສາດທະນາຄານແຫ່ງລັດຫວຽດນາມ.

ພື້ນຖານທີ່ເຂັ້ມແຂງຂອງບໍລິສັດ CKC Global ແມ່ນການຄອບຄອງລະບົບນິເວດເຕັກໂນໂລຢີ 4.0 ທີ່ທັນສະໄໝ. ເຕັກໂນໂລຢີແມ່ນກຸນແຈສຳຄັນສຳລັບທຸກໆວິສາຫະກິດທີ່ຈະເຂົ້າສູ່ຕະຫຼາດໂລກ. ນັ້ນແມ່ນເຫດຜົນທີ່ເວັບໄຊການຄ້າອອນລາຍ ezbuylao.com ຂອງບໍລິສັດ CKC ມີການພັດທະນາຢ່າງກວ້າງຂວາງໃນປະເທດລາວ.

ວິສາຫະກິດຕ່າງປະເທດຫຼາຍສິບແຫ່ງໄດ້ລົງທືນໃນຂະແໜງການນີ້ຢູ່ໃນລາວແຕ່ກໍ່ບໍ່ປະສົບຜົນສຳເລັດ. ບໍລິສັດ CKC Global ແມ່ນຜູ້ບຸກເບີກຂະແໜງການຄ້າອອນລາຍທີ່ນຳໃຊ້ຮູບແບບເສດຖະກິດ ເພື່ອແຜ່ແບ່ງປັນແລະນະໂຍບາຍການສົ່ງເງິນຄືນໃຫ້ຜູ້ຊົມໃຊ້ໃນລາວ.

ເວັບໄຊ້ການຄ້າອອນລາຍ Ezbuylao.com ພຽບພ້ອມໄປດ້ວຍຄຸນສົມບັດ ແລະ ຄຸນປະໂຫຍດຂອງເວັບໄຊການຄ້າອອນລາຍ ທີ່ໄດ້ມາດຕະຖານສາກົນ. ໂດຍສະເພາະ Ezbuylao.com ໄດ້ໃຫ້ບໍລິການກະເປົາເງິນອອນລາຍ EZ ເພື່ອອຳນວຍຄວາມສະດວກໃນການຄຸ້ມຄອງການເງິນ ແລະ ຊຳລະສະສາງປ່ຽນແທນພຶດຕິກຳການໃຊ້ຈ່າຍແບບເງິນສົດ ແລະ ມີຄວາມປອດໄພສຳລັບຜູ້ຊົມໃຊ້.

ປະຈຸບັນ, ເວັບໄຊ ezbuylao.com ຂອງບໍລິສັດ CKC Global ແມ່ນໜື່ງໃນເວັບໄຊການຄ້າອອນລາຍລະດັບແຖວຫນ້າຂອງປະເທດລາວ. ຄວາມສຳເລັດຂອງເວັບໄຊ Ezbuylao.com ແມ່ນມັນໄດ້ປ່ຽນແປງພຶດຕິກຳການໃຊ້ຈ່າຍຂອງຄົນລາວຈາກການໃຊ້ຈ່າຍແບບດັ່ງເດີມທີ່ຈ່າຍເງິນສົດໄປສູ່ການໃຊ້ຈ່າຍ online ໂດຍຜ່ານລະບົບນິເວດຂອງເຕັກໂນໂລຢີ 4.0 ທີ່ທັນສະໄໝ. ເວັບໄຊການຄ້າອອນລາຍ Ezbuylao.com ແມ່ນເຂດລົງທືນສຳຄັນຂອງບໍລິສັດ CKC Global.

ບັນດານັກທຸລະກິດທີ່ມາລົງໂຄສະນານຳ Ezbuylao.com ພົບວ່າເວັບໄຊດັ່ງກ່າວແມ່ນຊ່ອງທາງ ໂຄສະນາຍີ່ຫໍ້ ແລະ ຂາຍຜະລິດຕະພັນຢ່າງມີປະສິດທິພາບສູງແລະສ່ວນຜູ້ຊົມໃຊ້ ກໍ່ໄດ້ຮັບປະສົບການກ່ຽວກັບຮູບແບບການຊື້ຂາຍທີ່ສະດວກ, ງ່າຍດາຍແລະສຳຄັນທີ່ສຸດແມ່ນໄດ້ຮັບເງິນຄືນ ໃນເວລາຊື້ຂາຍສິນຄ້າ.

ພາຍຫຼັງ 1 ປີຂອງການຄົ້ນຄວ້າຕະຫລາດນັບຕັ້ງແຕ່ປີ 2017, ບໍລິສັດ CKC Global ໄດ້ເປີດ ໂຕເວັບໄຊ Ezbuylao.com ຢ່າງເປັນທາງການຊຶ່ງເປັນລະບົບນຳໃຊ້ນະໂຍບາຍລາຄາ ແລະ ຜົນປະໂຫຍດຂອງວິສາຫະກິດ, ບຸກຄົນທີ່ເຂົ້າຮ່ວມໃນຮູບແບບເສດຖະກິດເພື່ອແຜ່ແບ່ງປັນ. ບໍລິສັດ CKC Global ຍັງສືບຕໍ່ປັບປຸງຄວາມກ້າວໜ້າຂອງຕົວເອງເພື່ອໃຫ້ເໝາະສົມກັບຄວາມຕ້ອງການຂອງຕະຫຼາດລາວ.

ພາຍຫຼັງ 3 ປີທີ່ເຂົ້າຮ່ວມຕະຫຼາດລາວ, Ezbuylao ໄດ້ປະກອບສ່ວນເຂົ້າໃນການເຕີບໃຫຍ່ຂະຫຍາຍຕົວຂອງການຊື້-ຂາຍonline, ເຊື່ອມຕໍ່ລະຫວ່າງຜູ້ຊົມໃຊ້ກັບວິສາຫະກິດດ້ວຍວິທີທີ່ງ່າຍດາຍ.

ທ່ານ ນາງ Lamphai Khuonphia, ຜູ້ປະກອບການວິສາຫະກິດກ່ຽວກັບສະປາ, ເມືອງສີສັດຕະ ນາກ, ນະຄອນຫຼວງວຽງຈັນ ໄດ້ໃຫ້ຮູ້ວ່າ: “ຂ້ອຍໄດ້ເຂົ້າຮ່ວມໃນເວັບໄຊການຄ້າອອນລາຍ Ezbuylao ເປັນເວລາດົນນານມາແລ້ວ. Ezbuylao ໄດ້ນຳຜົນປະໂຫຍດທີ່ດີມາໃຫ້ຂ້ອຍ.”

“ລູກຄ້າທີ່ເຂົ້າມາຫາພວກເຮົາລ້ວນແຕ່ຮູ້ສຶກຕື່ນເຕັ້ນກັບການເບິ່ງແຍງ ແລະ ຜົນປະໂຫຍດທີ່ພວກເຂົາໄດ້ຮັບເມື່ອພວກເຂົາຊຳລະເງິນຜ່ານກະເປົາເງິນອອນລາຍ EZ ຂອງເວັບໄຊ Ezbuylao ເພື່ອໄດ້ຮັບເງິນຄືນ.”

“ທຸລະກິດຂອງຂ້ອຍມາຮອດປະຈຸບັນໄດ້ສະສົມມູນຄ່າເງິນທີ່ຈະໄດ້ຮັບຄືນເພື່ອຊ່ວຍໃຫ້ພວກເຮົາມີແຫຼ່ງຕົ້ນທຶນໄວ້ໃນການລົງທຶນເພີ່ມຂື້ນ. ເມື່ອຂ້ອຍແບ່ງປັນ Ezbuylao ໃຫ້ກັບລູກຄ້າໃໝ່, ພວກ ເຂົາມັກແລະໄວ້ໃຈ.ສິ່ງດັ່ງກ່າວໄດ້ສະແດງໃຫ້ເຫັນວ່າ Ezbuylao ໄດ້ປະກອບສ່ວນເຂົ້າໃນຕະຫຼາດລາວ ເຮັດໃຫ້ມີຊີວິດຊີວາຫຼາຍຂື້ນ”. 

ຜູ້ຊົມໃຊ້ Ezbuylao,ທ່ານ Soulaphon Vongxaya ກ່າວວ່າ: “ພວກຂ້ອຍໄດ້ເຫັນວ່າ Ezbuylao ແມ່ນເວັບໄຊການຄ້າອອນລາຍທີ່ນຳເອົາຜົນປະໂຫຍດມາໃຫ້ຜູ້ຊົມໃຊ້. ນະໂຍບາຍການສົ່ງເງິນຄືນໃຫ້ແກ່ຜູ້ຊົມໃຊ້ໄດ້ຊ່ວຍໃຫ້ພວກເຮົາມີເງິນສະສົມ.”

“ຕົວຢ່າງ, ດຽວນີ້ພວກເຮົາສາມາດນຳໃຊ້ຈຳນວນເງິນທີ່ຮັບຄືນມາແລ້ວນັ້ນເອົາໄປເຕີມນ້ຳມັນລົດຂອງເຮົາ. ຖ້າຫາກວ່າບໍ່ມີການສະສົມຈຳນວນເງິນດັ່ງກ່າວ, ຄ່າໃຊ້ຈ່າຍໃນການເຕີມນ້ຳມັນລົດຂ້າງເທິງ ນີ້ກໍ່ຕ້ອງໄດ້ຈ່າຍເພີ່ມຕື່ມ.”

ຄວາມເຊື່ອໝັ້ນ ແລະ ຄວາມສຸກຂອງບັນດາວິສາຫະກິດກໍ່ຄືຜູ້ຊົມໃຊ້ເປັນແຮງຈູງໃຈໃຫ້ Ezbuylao ສືບຕໍ່ປັບປຸງເພື່ອນຳເອົາຜົນປະໂຫຍດມາໃຫ້ຊຸມຊົນໃຫ້ຫຼາຍຂື້ນ.

ທ່ານ Nguyen Ngoc Duy, ຜູ້ອຳນວຍການໃຫຍ່ບໍລິສັດ CKC Global ໄດ້ໃຫ້ຮູ້ວ່າ:“ ນັບແຕ່ປີ 2020 ນີ້ ເປັນຕົ້ນໄປ, ບໍລິສັດຈະສືບຕໍ່ນຳສະເໜີນະໂຍບາຍສົ່ງເສີມຫຼາຍຢ່າງເພື່ອສະແດງຄວາມຮູ້ບຸນຄຸນຕໍ່ຊຸມຊົນ Ezbuylao.”

“ນອກຈາກນັ້ນ, CKC GLOBAL ເຊິ່ງມີຄວາມເຂັ້ມແຂງທາງດ້ານເຕັກໂນໂລຢີ, ຈະສືບຕໍ່ວາງແຜນເພື່ອປັບປຸງເຕັກໂນໂລຢີ ແລະ ການລົງທືນໃນຫຼາຍໆດ້ານເຊັ່ນ: ສາທາລະນະສຸກ, ການສຶກສາ, ອະສັງຫາລິມະສັບໃນລາວເພື່ອໃຫ້ຊຸມຊົນວິສາຫະກິດ ແລະ ຜູ້ຊົມໃຊ້ຂອງຫວຽດນາມ ສາມາດເຂົ້າເຖິງຕະຫຼາດລາວໄດ້ໄວຂື້ນ.”

“ໃນທາງກົງກັນຂ້າມ, ວິສາຫະກິດລາວຍັງມີໂອກາດທີ່ຈະຂະຫຍາຍການລົງທືນເຂົ້າໄປໃນ ປະເທດຫວຽດນາມ. ພວກເຮົາຍັງວາງແຜນຈະຂະຫຍາຍການລົງທຶນເຂົ້າໄປໃນຕະຫຼາດມຽນມາ, ກຳປູເຈຍ ແລະ ໄທ ໃນອີກ 3 ປີຂ້າງໜ້າ,”.

ນອກຈາກເວັບໄຊ Ezbuylao ແລ້ວ, ບໍລິສັດ CKC Global ຍັງສືບຕໍ່ປະສົບຜົນສຳເລັດກັບຫວຍ Laolott.com ແລະ ເວັບໄຊຂ່າວສານ laoexpress.net.

ດ້ວຍການຂະຫຍາຍຂົງເຂດການລົງທືນນີ້, CKC Global ໄດ້ສະແດງໃຫ້ເຫັນຄວາມປາຖະໜາຂອງບໍລິສັດທີ່ຈະເຂົ້າເຖິງທົ່ວໂລກໂດຍຜູ້ບໍລິຫານໄດ້ວາງແຜນໄວ້ກ່ອນລ່ວງໜ້າ.

ໃນກອງປະຊຸມ BNI Lao 2019, ຜູ້ຕາງໜ້າຂອງບໍລິສັດ CKC Global ໄດ້ນຳສະເໜີກ່ຽວກັບພາລະກິດ ແລະ ວິໄສທັດຂອງບໍລິສັດ. ຄວາມຕັ້ງໃຈຂອງບໍລິສັດ CKC Global ນີ້ໄດ້ຮັບການສະໜັບສະໜູນຢ່າງຫຼວງຫຼາຍຈາກບັນດາ ຄູ່ຮ່ວມງານ ແລະ ນັກທຸລະກິດໃນອົງການເຊື່ອມຕໍ່ການຄ້າໂລກໃນລາວ (BNI Laos). ປະຈຸບັນຂົງເຂດເວັບໄຊການຄ້າອອນລາຍຂອງ CKC Global ໄດ້ມີຢູ່ໃນຕະຫຼາດຫວຽດນາມ ແລະ ມີການເຂົ້າຮ່ວມຂອງບັນດາວິສາຫະກິດຢ່າງກວ້າງຂວາງ.

ໃນຕົ້ນເດືອນເມສາ, Ezbuylao ຈະເປີດຕົວເວັບໄຊການຄ້າອອນລາຍຢູ່ທີ່ ປະເທດຫວຽດນາມ ຢ່າງເປັນທາງການ.

ໃນອະນາຄົດອັນໃກ້ນີ້, ເສດຖະກິດເພື່ອແຜ່ແບ່ງປັນໂດຍທົ່ວໄປ ແລະ ການເຄື່ອນໄຫວການຄ້າອອນລາຍ ໂດຍສະເພາະຈະກາຍເປັນຂົວຕໍ່ການຄ້າລະຫວ່າງທຸລະກິດຂອງຫວຽດນາມ ແລະ ລາວ. ນັ້ນແມ່ນໂອກາດທີ່ດີເພື່ອໃຫ້ບັນດາວິສາຫະກິດໄດ້ຮ່ວມແຮງຮ່ວມໃຈ ແລະ ເຮັດວຽກເພື່ອບັນລຸ ເປົ້າໝາຍການພັດທະນາຮ່ວມກັນ.

ຂ່າວ: ໂຄສະນາ-ປະຊາສໍາພັນ

Related Articles

Leave a Reply