Vientiane Times Lao
ເສຍຊິວິດເພີ່ມອີກ 1 ຄົນຍ້ອນໄຂ້ຍຸງລາຍຢູ່ແຂວງ ຊຽງຂວາງ

ເສຍຊິວິດເພີ່ມອີກ 1 ຄົນຍ້ອນໄຂ້ຍຸງລາຍຢູ່ແຂວງ ຊຽງຂວາງ

ແຂວງ ຊຽງຂວາງ ມີກໍລະນີຜູ້ເສຍຊິວິດຍ້ອນພະຍາດໄຂ້ຍຸງລາຍສະສົມແລ້ວ 01 ຄົນ, ລວມເປັນ 8 ຄົນໃນທົ່ວປະເທດ, ໃນນັ້ນ ນະຄອນຫຼວງວຽງຈັນ 03 ຄົນ, ແຂວງ ບໍລິຄໍາໄຊ 02 ຄົນ, ໄຊຍະບູລີ 01 ຄົນ ແລະ ຄຳມ່ວນ 01ຄົນ ແລະ ຊຽງຂວາງ 01 ຄົນ.

ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານໃຫ້ຮູ້ວັນທີ 7 ກໍລະກົດ 2020 ວ່າ: ທົ່ວປະເທດ ມີຜູ້ຕິດເຊື້ອໄຂ້ຍຸງເພີ່ມຂຶ້ນທັງໝົດ 2.618 ກໍລະນີແລ້ວ ນັບແຕ່ທ້າຍປີ 2019 ມາຮອດປັດຈຸບັນ, ໂດຍສະເພາະ ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍ 606 ກໍລະນີ, ແຂວງ ບໍລິຄໍາໄຊ 331 ກໍລະນີ, ວຽງຈັນ 321 ກໍລະນີ, ອັດຕະປື 238 ກໍລະນີ, ສະຫວັນນະເຂດ 233 ກໍລະນີ, ຄຳມ່ວນ 200 ກໍລະນີ ແລະ ແຂວງອື່ນໆ.

ປະຈຸບັນການລະບາດຂອງພະຍາດໄຂ້ຍຸງລາຍ ຍັງສືບຕໍ່ແຜ່ລະບາດຢ່າງກວ້າງຂວາງໃນທົ່ວປະເທດ, ຊຶ່ງສົ່ງ​ຜົນ​ໃຫ້​ມີ​ຜູ້​ເສຍ​ຊີ­ວິດ ແລະ ຈຳ­ນວນ​ຄົນ​ເຈັບ​​ເພີ່ມ​ຂຶ້ນ ຊຶ່ງ​ທາງ​ດຽວ​ທີ່​ຈະ​ປ້ອງ​ກັນ​ພະ­ຍາດ​ນີ້​, ບໍ່ໃຫ້ມີການແຜ່ລະບາດແຜ່ລາມ ເປັນວົງກວ້າງ ແລະ ບໍ່ໃຫ້ມີກໍລະນີໃໝ່ນັ້ນ ທຸກຄົນຄວນ ພ້ອມກັນປ້ອງກັນ ບໍ່ໃຫ້ຍຸງລາຍກັດ ໄປຄຽງຄູ່ກັບການປະຕິບັດຫລັກການ 5 ປ ທີ່ກະຊວງສາທາລະນະສຸກ ວາງອອກເປັນປະຈຳ ໂດຍສະເພາະທຳລາຍ ແຫລ່ງເພາະພັນໜອນນ້ຳຍຸງລາຍ, ບໍ່ມີໜອນນ້ຳ ກໍຈະບໍ່ມີຍຸງລາຍ.

ຂ່າວ: ວຽງຈັນທາຍ

 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ