Vientiane Times Lao
ເສຍຊິວິດເພີ່ມອີກ 1 ຄົນ ຍ້ອນໄຂ້ຍຸງລາຍ

ເສຍຊິວິດເພີ່ມອີກ 1 ຄົນ ຍ້ອນໄຂ້ຍຸງລາຍ

ມາຮອດປະຈຸບັນ, ມີກໍລະນີຜູ້ເສຍຊິວິດຍ້ອນພະຍາດໄຂ້ຍຸງລາຍສະສົມ 7 ຄົນ, ໃນນັ້ນ ເສຍຊິວິດໃໝ່ເພີ່ມຂື້ນ 1 ຄົນ ໃນວັນທີ 29 ມີຖຸນາ 2020 ຢູ່ ນະຄອນຫຼວງວຽງຈັນ.

ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານໃຫ້ຮູ້ວັນທີ 29 ມີຖຸນາ 2020 ວ່າ:ນັບແຕ່ທ້າຍປີ 2019 ມາຮອດປັດຈຸບັນ

ຄົນລາວເສຍຊີວິດລວມແລ້ວ 7 ຄົນ, ໃນນັ້ນ ນະຄອນຫຼວງວຽງຈັນ 3 ຄົນ, ແຂວງ ບໍລິຄໍາໄຊ 2 ຄົນ, ໄຊຍະບູລີ 01 ຄົນ ແລະ ຄຳມ່ວນ 01ຄົນ.

ໂດຍສະເພາະ ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍ 514 ກໍລະນີ, ແຂວງ ວຽງຈັນ 305 ກໍລະນີ, ອັດຕະປື 230 ກໍລະນີ, ບໍລິຄໍາໄຊ 263 ກໍລະນີ, ຄຳມ່ວນ 180 ກໍລະນີ ແລະ ແຂວງອື່ນໆ ຊຶ່ງຍັງມີພຽງແຕ່ແຂວງຊຽງຂວາງ

ແຂວງດຽວ ທີ່ຍັງບໍ່ພົບຜູ້ຕິດເຊື້ອຈັກກໍລະນີ.

ສະພາບໄຂ້ຍຸງລາຍ ປີ 2019 ຜ່ານມາ, ຖືເປັນປີລະບາດໃຫ່ຍ ຢູ່ໃນຂົງເຂດອາຊີຕາເວັນອອກສ່ຽງໃຕ້, ສະເພາະ ຢູ່ໃນລາວ ໄດ້ມີການແຜ່ລະບາດໄຂ້ຍຸງຢ່າງກວ້າງຂວາງໃນທົ່ວປະເທດ ເຊິ່ງມີຜູ້ຕິດເຊື້ອໄຂ້ຍຸງລາຍຈຳນວນ 39, 000 ຄົນ, ເສຍຊີວິດ 76 ຄົນ.

ເພື່ອເປັນການປ້ອງກັນພະຍາດໄຂ້ຍຸງລາຍ ບໍ່ໃຫ້ມີການແຜ່ລະບາດແຜ່ລາມ ເປັນວົງກວ້າງ ແລະ ບໍ່ໃຫ້ມີກໍລະນີໃໝ່ນັ້ນ ທຸກຄົນຄວນ ພ້ອມກັນປ້ອງກັນ ບໍ່ໃຫ້ຍຸງລາຍກັດ ໄປຄຽງຄູ່ກັບການປະຕິບັດຫລັກການ 5 ປ ທີ່ກະຊວງສາທາລະນະສຸກ ວາງອອກເປັນປະຈຳ ໂດຍສະເພາະທຳລາຍ ແຫລ່ງເພາະພັນໜອນນ້ຳຍຸງລາຍເພາະຫາກ ບໍ່ມີໜອນນ້ຳ ກໍຈະບໍ່ມີຍຸງລາຍ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ