Vientiane Times Lao
ເຫດປຸ້ນຊິງຊັບຕາຍ 4 ບາດເຈັບ 1 ຢູ່ເມືອງຕົ້ນເຜີ້ງຍັງຈັບຜູ້ກໍ່ເຫດບໍ່ໄດ້

ເຫດປຸ້ນຊິງຊັບຕາຍ 4 ບາດເຈັບ 1 ຢູ່ເມືອງຕົ້ນເຜີ້ງຍັງຈັບຜູ້ກໍ່ເຫດບໍ່ໄດ້

ປກສ ເຂດພິເສດ ສາມລ່ຽມຄໍາ ເມືອງຕົ້ນເຜີ້ງ ແຂວງບໍ່ແກ້ວ ແຈ້ງໃຫ້ຮູ້ວ່າ: ໄດ້ເກີດເຫດຍິງກັນຫວັງປຸ້ນຊິງຊັບ ຢູ່ ເສັ້ນທາງເຂດບ້ານຄ້ວນ ເມືອງຕົ້ນເຜີ້ງ ແຂວງບໍ່ແກ້ວໃນໄລຍະເວລາ 20 ໂມງ 30 ຂອງວັນທີ 7 ກໍລະກົດທີ່ຜ່ານມາ ຊຶ່ງໄດ້ເຮັດໃຫ້ມີຜູ້ເສຍຊີວິດ 4 ຄົນ ( ຍິງ 1) ແລະ ໄດ້ຮັບບາດເຈັບ 1 ຄົນ ຊຶ່ງເປັນຄົນສັນຊາດຈີນທັງໝົດ ແລະ ຍັງບໍ່ສາມາດຈັບກຸມຜູ້ກໍ່ເຫດໃນຄັ້ງນີ້ໄດ້ເທື່ອ.

ປກສ ເຂດພິເສດ ສາມລ່ຽມຄໍາ ແຈ້ງໃຫ້ຮູ້ຕື່ມອີກວ່າ: ຜູ້ກໍ່ເຫດດັ່ງກ່າວ ແມ່ນມີພຽງ 1 ຄົນ ເປັນຄົນສັນຊາດຈີນເຊັ່ນດຽວກັນ ໂດຍໃຊ້ປືນສັ້ນ ແລະ ມີດເປັນອາວຸດໃນການກໍ່ເຫດ, ຄາດວ່າແຮງຈຸງໃຈໃນການກໍ່ເຫດໃນຄັ້ງນີ້ແມ່ນການຫວັງປຸ້ນຊັບ ຍ້ອນຜູ້ເສຍຊີວິດ ແລະ ຜູ້ໄດ້ຮັບບາດເຈັບແມ່ນໄດ້ຂີ່ລົດອອກມາຈາກ ກາຊີໂນ ສາມລ່ຽມຄໍາ ແຕ່ຜູ້ກໍ່ເຫດບໍ່ໄດ້ຊັບສິນໃດໆໄປເລີຍ, ກວດຄົ້ນໃນລົດ ຂອງຜູ້ຖືກເຄາະຮ້າຍ ພົບເງິນເປັນຕະກູນເງິນຈີນ ແລະ ເງິນບາດໄທຈໍານວນໜຶ່ງ. ໃນຂະນະນີ້, ເຈົ້າໜ້າທີ່ກໍາລັງ ຊອກຫາເບາະແສຂອງຜູ້ກໍ່ເຫດ ເພື່ອນໍາໄປສູ່ການຈັບກຸມ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ