ເຮືອນອະນຸລັກວັດທະນະທໍາຊົນເຜົ່າ (ຫັດຖະກໍາໄຕລື້) ທີ່ບ້ານປ່າສັກ ເມືອງໄຊ ແຂວງອຸດົມໄຊເປັນແຫຼ່ງທ່ອງທ່ຽວໜຶ່ງໃນຫຼາຍແຫຼ່ງທ່ອງທ່ຽວທີ່ສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຊີ່ງເປັນສະຖານທີ່ທີ່ສວຍງາມ ໂດຍໄດ້ອະນຸລັກຮັກສາວັດທະນະທຳ (ວາງສະແດງເຄຶ່ອງໃຊ້ໃນຄົວເຮືອນ ແລະ ອຸປະກອນທໍາມາຫາກິນ) ແລະ ວິຖີຊີວິດຂອງຊາວໄຕລື້ດັ່ງເດີມຂອງລາວໄວ້ ນັກທ່ອງທ່ຽວສາມາດໄປຢ້ຽມຢາມ ແລະ ຊື້ເຄື່ອງຫັດຖະກຳ ຫຼື ຂອງທີ່ລະນຶກ ໄດ້ທີ່ນີ້.
ເຮືອນອະນຸລັກວັດທະນະທໍາຊົນເຜົ່າໄດ້ຜະລິດເປັນ ສິນຄ້າໜຶ່ງເມືອງໜຶ່ງຜະລິດຕະພັນ ເຊີ່ງໄດ້ ຜະລິດຫັດຖະກໍາແຜ່ນແພ ເປັນຕົ້ນ ສິ້ນ, ເສື້ອ, ແພ, ຖົງ, ກະເປົາ ແລະ ອື່ນໆ ສົ່ງໄປຂາຍທີ່ຕ່າງປະເທດເຊັ່ນ: ຍີ່ປຸ່ນ, ສ ເກົາຫຼີ ແລະ ຂາຍພາຍໃນ ທີ່ມີລູກຄ້າປະຈໍານໍາໄປຈໍາໜ່າຍຢູ່ແຂວງຫຼວງພະບາງ, ນະຄອນຫຼວງວຽງຈັນ, ບັນດາແຂວງອ້ອມຂ້າງ ແລະ ພາຍໃນແຂວງຈໍານວນໜຶ່ງ.
ແຫຼ່ງຂໍ້ມູນ-ພາບ:ວິສິດ
