Vientiane Times Lao
ແຂວງອັດຕະປື ເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່

ແຂວງອັດຕະປື ເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່

ສະຫາຍ ເລັດ ໄຊຍະພອນ ຖືກຄັດເລືອກ ເປັນເລຂາຄະນະບໍລິຫານງານພັກແຂວງ ອັດຕະປື ຊຸດໃໝ່ ຫຼັງຈາກທີ່ມີການປ່ອນບັດເລືອກຕັ້ງຢູ່ກອງປະຊຸມໃຫຍ່ ຄັ້ງທີ XI ຂອງອົງຄະນະພັກ ແຂວງ ອັດຕະປື ທີ່ໄດ້ຈັດຂຶ້ນເມື່ອບໍ່ດົນມານີ້.

ການປ່ອນບັດເລືອກຕັ້ງເອົາຄະນະບໍລິຫານງານພັກ ແຂວງ ອັດຕະປື ຊຸດໃໝ່ໃນຄັ້ງນີ້ ມີຜູ້ລົງສະ ໝັກທັງຫມົດ 38 ສະຫາຍ (ຍິງ 5 ສະຫາຍ) ແລະ ຄັດເລືອກເອົາພຽງ 33 ສະຫາຍ (ຍິງ 5 ສະຫາຍ) ຊຶ່ງຜົນການປ່ອນບັດໃນຄັ້ງນີ້ ປະກົດວ່າ ສະຫາຍ ເລັດ ໄຊຍະພອນ ເປັນເລຂາຄະນະບໍລິຫານງານພັກແຂວງຊຸດໃໝ່, ສະຫາຍ ນາງ ມີນາພອນ ໄຊສົມພູ, ສະຫາຍ ບຸນຮຽນ ແກ້ວບົວພາດ ເປັນຮອງເລຂາຄະນະບໍລິຫານງານພັກແຂວງ ແລະ ໄດ້ເລືອກຕັ້ງເອົາ ສະຫາຍ ຄຳຫວັນ ຈັນທະໂຄດ ເປັນປະທານຄະນະກວດກາ, ສະຫາຍ ຈິດປະສົງ ສິງສະຫວັດ, ສະຫາຍ ມີໄຊ ສີສະເເຫວງສຸກ ແລະ ສະຫາຍ ວິໄລພອນ ເປັນຮອງປະທານຄະນະກວດກາ ແລະ ອື່ນໆ.

 

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ