Vientiane Times Lao
ແຂວງ​ຫຼວງ​ນ້ຳ​ທາ​​ເລັ່ງ​ຟື້ນ​ຟູ​​ພື້ນ​ຖານ​ໂຄງ​ ລ່າງ​ທີ່ໄດ້​ຮັບ​ຜົນ​ກະ​ທົບ​ຈາກ​ນ້ຳ​ຖ້ວມ

ແຂວງ​ຫຼວງ​ນ້ຳ​ທາ​​ເລັ່ງ​ຟື້ນ​ຟູ​​ພື້ນ​ຖານ​ໂຄງ​ ລ່າງ​ທີ່ໄດ້​ຮັບ​ຜົນ​ກະ​ທົບ​ຈາກ​ນ້ຳ​ຖ້ວມ

​ພາຍ​ຫຼັງ​ທີ່ຝົນຕົກໜັກຢ່າງ​ຕໍ່​ເນື່ອງ ເປັນ​ເວ​ລາ 3 ວັນຢູ່ແຂວງພາກເໜືອ ແຕ່ວັນທີ 19-21 ກໍລະກົດ 2021 ທີ່​ຜ່ານ​ມາ, ໄດ້ເຮັດໃຫ້ນ້ຳ​ຖ້ວມກະ​ທັນ​ຫັນຢູ່ໃນ​ຫຼາຍ​ເມືອງ ຂອງແຂວງຫຼວງນ້ຳທາ ໃນ​ຕອນ​ເຊົ້າ​ຂອງວັນ​ທີ 21 ກໍ​ລະ​ກົດ 2021ໂດຍ​ສະ​ເພາະ​ຢູ່ ເມືອງ ລອງ​ເສຍ​ຫາຍ​ໜັກ​ກວ່າ​ເມືອງ​ອື່ນ ຊຶ່ງ​ປັດ​ຈຸ​ບັນ​ນີ້​ອຳ​ນາດ​ການ​ປົກ​ຄອງ​ແຂວງ​ຫຼວງ​ນ້ຳ​ທາ​ກຳ​ລັງ​ເລັ່ງຊ່ວຍ​ເຫຼືອ​ຜູ້​ໄດ້​ຮັບ​ຜົນ​ກະ​ທົບ ແລະ ​ຟື້ນ​ຟູ​ພື້ນ​ຖານ​ໂຄງ​ລ່າງ​ໂດຍ​ສະ​ເພາະ​ແມ່ນ ເຮືອນ​ຊານ​ຂອງ​ປະ​ຊາ​ຊົນ, ເສົາ​ໄຟ​ຟ້າ, ເສັ້ນ​ທາງ, ຊົນ​ລະ​ປະ​ທານ ແລະ ອື່ນໆ​ທີ່​ໄດ້​ຮັບ​ຜົນ​ກະ​ທົບ​ຈາກ​ນ້ຳ​ຖ້ວມ​ດັ່ງ​ກ່າວພາຍ​ຫຼັງ​ທີ່​ນ້ຳ​ໄດ້ບົກແຫ້ງລົງ​ສູ່​ເກນ​ປົກ​ກະ​ຕິ​ແລ້ວ​ໃນ​ປັດ​ຈຸ​ບັນ, ນອກ​ນັ້ນ​ຍັງ​ມີ​ເນື້ອ​ທີ່​ນາ​ປີ, ສວນ​ອ້ອຍ, ເ​ນື້ອ​ທີ່​ພຶດ​ກະ​ສິ​ກຳ​ເສຍ​ຫາຍ​ຈຳ​ນວນ​ໜຶ່ງ.ສະ​ເພາະ​ຢູ່​ເມືອງ​ລອງ​ແຂ​ວງ​ຫຼວງ​ນ້ຳ​ທາໄດ້​ຮັບ​ຜົນ​ກະ​ທົບຈາກ​ນ້ຳ​ຖ້ວມ​ໃນ​ຄັ້ງ​ນີ້​ປະ​ກອບ​ມີເຮືອນ 10 ຫຼັງ, ສວນ​ອ້ອຍ 10 ເຮັກ​ຕາ, ເນື້ອ​ທີ່​ນາ​ປີ 30 ເຮັກ​ຕາ, ຊົນ​ລະ​ປະ​ທານ 70 ແຫ່ງ, ໂຮງງານຄົບຫີນ 1 ຊຸດ, ລົດດາມ ຈໍານວນ 3 ຄັນ, ລົດຈົກ 2 ຄັນ, ລົດຕັກ 1 ຄັນ, ເຄື່ອງເຈາະຫີນ 6 ເຄື່ອງ,  ແລະ ອື່ນໆລວມມູນຄ່າຄວາມເສຍຫາຍ ປະມານ 500.000 ໂດລາ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ