Vientiane Times Lao
ແຂວງ ບໍ່ແກ້ວ ປິດເທດສະບານເມືອງຕົ້ນເຜີ້ງ ຊົ່ວຄາວ ເພື່ອປ້ອງກັນການລະບາດຂອງພະຍາດ ໂຄວິດ-19

ແຂວງ ບໍ່ແກ້ວ ປິດເທດສະບານເມືອງຕົ້ນເຜີ້ງ ຊົ່ວຄາວ ເພື່ອປ້ອງກັນການລະບາດຂອງພະຍາດ ໂຄວິດ-19

ຄະນະສະເພາະກິດ ເພື່ອ ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດໂຄວິດ-19 ແຂວງ ບໍ່ແກ້ວ
ໄດ້ອອກແຈ້ງການໃນວັນທີ 12 ມັງກອນ 2021 ນີ້ ວ່າ: ເຫັນດີປິດເທດສະບານເມືອງຕົ້ນເຜີ້ງ ແລະ ເຂດເສດຖະກິດພິເສດສາມຫຼ່ຽມຄໍາ ເປັນການຊົ່ວຄາວ (ໄລຍະ 14 ວັນ), ນັບແຕ່ວັນທີ 12 ມັງກອນ ເຖິງວັນທີ 25 ມັງກອນ 2021, ໂດຍໃຫ້ເມືອງຕົ້ນເຜີ້ງ ນໍາໃຊ້ກໍາລັງທະຫານ, ປກສ ແລະ ແພດ ຕັ້ງຈຸດກວດກາຢູ່ປ້ອມກວດກາໃກ້ກັບ 3 ແຍກປະຕຸໂຂງທາງເຂົ້າມືອງຕົ້ນເຜີ້ງ ແລະ 4 ແຍກບ້ານໂພນໂຮມ ເພື່ອ ປະຕິບັດມາດຕະການໃນການປ້ອງກັນ, ສະກັດກັ້ນ ແລະ ແກ້ໄຂການລະບາດຂອງພະຍາດ ໂຄວິດ-19.
ປະຈຸບັນ ຢູ່ໃນໂລກ ແລະ ປະເທດອ້ອມຂ້າງຈໍານວນໜຶ່ງ ຍັງມີການແຜ່ລະບາດຂອງພະຍາດ ໂຄວິດ-19 ທີ່ຮ້າຍແຮງ ແລະ ໜັກໜ່ວງ, ພ້ອມນັ້ນ ພະຍາດ ໂຄວິດ-19 ໄດ້ມີການກາຍພັນທີ່ຮ້າຍແຮງຂຶ້ນກວ່າເກົ່າ, ການແຜ່ເຊຶ້ອໄວຂຶ້ນ ແລະ ສະຫຼັບສັບຊ້ອນກວ່າສາຍພັນເດີມ, ເຮັດໃຫ້ທົ່ວແຂວງ ຍັງມີຄວາມສ່ຽງສຸງ ແລະ ຄວາມຫຍຸ້ງຍາກໃນການປ້ອງກັນພະຍາດ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ