Vientiane Times Lao
ແມ່ຍິງຖືພາມີອັດຕາການຕິດເຊື້ອໂຄວິດ-19 ຮຸນແຮງບໍ່ຕ່າງຫຍັງກັບຜູ້ທີ່ມີພະຍາດປະຈໍາຕົວ

ແມ່ຍິງຖືພາມີອັດຕາການຕິດເຊື້ອໂຄວິດ-19 ຮຸນແຮງບໍ່ຕ່າງຫຍັງກັບຜູ້ທີ່ມີພະຍາດປະຈໍາຕົວ

ແມ່ຍິງຖືພາຄົບ 3 ເດືອນ (12 ອາທິດ) ຫຼື ແມ່ຍິງທີ່ເກີດລູກໃໝ່ ທີ່ກໍາລັງໃຫ້ນົມລູກ ຫຼື ບໍ່ໄດ້ໃຫ້ນົມລູກແມ່ນສາມາດສັກວັກຊິນປ້ອງກັນພະຍາດໂຄວິດ-19 ໄດ້ ດັ່ງນັ້ນຈົ່ງພາກັນຮີບຮ້ອນໄປສັກຢູ່ສະຖານທີ່ຕ່າງໆທີ່ທາງຄະນະສະເພາະກິດກໍານົດໄວ້ ເພາະແມ່ຍິງຖືພາໃນກໍລະນີທີ່ຕິດເຊື້ອພະຍາດດັ່ງກ່າວຈະມີອັດຕາການຕິດເຊື້ອຮຸນແຮງສູງກວ່າແມ່ຍິງທົ່ວໄປ ຫຼື ບໍ່ຕ່າງຫຍັງກັບຜູ້ທີ່ມີພະຍາດປະຈໍາຕົວໃນກໍລະນີທີ່ຕິດເຊື້ອຈະມີອາການຮຸນແຮງກວ່າຄົນທົ່ວໄປເຊັ່ນກັນ.

 ຈຸດບໍລິການສັກວັກຊິນຢູ່ນະຄອນຫຼວງວຽງຈັນແມ່ນຢູ່ໂຮງໝໍມິດຕະພາບ (150 ຕຽງ),ໂຮງໝໍມະໂຫສົດ,ໂຮງໝໍເສດຖາທິລາດ, ໂຮງໝໍ 103, ໂຮງໝໍ 5 ເມສາ, ໂຮງໝໍແມ່ ແລະ ເດັກ, ໂຮງໝໍເດັກ,ໂຮງໝໍເມືອງ ທັງ 9 ຕົວເມືອງ, ວັດຈີນ ບ້ານດົງປ່າແຫຼບ ເປີດບໍລິການສັກວັກຊິນແຕ່ວັນຈັນ ຫາວັນສຸກ ໃນໂມງລັດຖະການ.

ສະເພາະຈຸດບໍລິການສັກວັກຊິນຢູ່ແຂວງຕ່າງໆໃນຂອບເຂດທົ່ວປະເທດນັ້ນແມ່ນຢູ່ໂຮງໝໍແຂວງແຕ່ລະແຂວງ, ໂຮງໝໍເມືອງ ແລະ ຢູ່ຈຸດພິເສດທີ່ຄະນະສະເພາະກິດກຳນົດໄວ້.

ຂໍ້ມູນ: ສູນຂ່າວສານການແພດສຸຂະສຶກສາ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ