ສະຫະພັນແລ່ນ-ລານແຫ່ງຊາດລາວ ຮວ່ມກັບ ວິສາຫະກິດ ສ່ວນບຸກຄົນ ອີເອັຟຈີ (EFG Laos) ຈະຈັດການແຂ່ງຂັນແລ່ນວຽງຈັນ ມາຣາທອນ ນາໆຊາດ ຄັ້ງທີ 4 ປະຈຳປີ 2024 ໃນວັນທີ 15 ທັນວາ 2024 ຊຶ່ງຈຸດປ່ອຍ ແລະ ເສັ້ນໄຊ ແມ່ນບໍລິເວນປະຕູໂຂງເດີ່ນທາດຫຼວງ.
ທ່ານ ນາງ ວັນເພັງ ສຸດທິຈັກ ຜູ້ອໍານວຍການບໍລິສັດ ອີເອັຟຈີ ລາວ ໄດ້ກ່າວໃນພິທີຖະແຫຼງຂ່າວງານແລ່ນຄັ້ງນີ້ ໃນວັນທີ 28 ພະຈິກ 2024 ວ່າ: ກິດຈະກຳແຂ່ງຂັນແລ່ນວຽງຈັນ ມາຣາທອນ ນາໆຊາດ ຄັ້ງນີ້ ເນັ້ນໃສ່ຂະບວນການສົ່ງເສີມການອອກກຳລັງກາຍ ເພື່ອສຸຂະພາບທີ່ດີ ແລະ ສ້າງໃຫ້ນັກແລ່ນ ຊາວລາວ ແລະ ຕ່າງປະເທດ ມີການຈັດງານກີລາມວນຊົນໃນລະດັບສາກົນ ພ້ອມທັງສົ່ງເສີມການທ່ອງທ່ຽວລາວໃຫ້ມີຄວາມຄຶກຄື້ນ.
ສໍາລັບ ເສັ້ນທາງແລ່ນ ເປັນເສັ້ນທາງທີ່ມີສະຖານທີ່ທ່ອງທ່ຽວສຳຄັນຕ່າງໆຂອງນະຄອນຫຼວງວຽງຈັນ ຊຶ່ງການແຂ່ງຂັນແບ່ງອອກ 4 ປະເພດ: ມາຣາທອນ 24ກິໂລແມັດ, ຮາຟ ມາຣາທອນ 21 ກິໂລແມັດ, ມິນິ ມາຣາທອນ 10 ກິໂລແມັດ ແລະ ແລ່ນຍ່າງ ເພື່ອສຸຂະພາບ 5 ກິໂລແມັດ, ຊຶ່ງມີການຊີງຂັນ ແລະ ເງິນລາງວັນ ສູງສຸດເຖິງ 200 ກວ່າລ້ານກີບ
ການລົງທະບຽນກິດຈະກໍາຄັ້ງນີ້ ສາມາດລົງທະບຽນ ໄດ້ທີ່: ຫ້ອງການ ວິສາຫະກິດສ່ວນບຸກ ອີແອັບຈີລາວ
(ບ້ານທາດຂາວ) ທຸກວັນຈັນ-ສຸກ ເລີ່ມຕັ້ງແຕ່ເວລາ 8:30 ຫາ 17:00 For more information- https://www.facebook.com/vientianemarathon
