Visit BigblueAgency
ໂສກນາດຕະກຳຖ້ຳປິວຜ່ານມາ 55 ປີ

ໂສກນາດຕະກຳຖ້ຳປິວຜ່ານມາ 55 ປີ

ຖ້ຳປິວ ຕັ້ງຢູ່ເມືອງຄຳ ແຂວງຊຽງຂວາງ ໂດຍງານບຸນລະນຶກເຖິງວັນໂສກນາດຕະກຳຖ້ຳປິວ ເປັນປາງບຸນທີ່ມີຄວາມໝາຍຄວາມສໍາຄັນທາງ ປະຫວັດສາດທີ່ສ່ອງແສງໃຫ້ເຫັນເຖິງເຫດການທີ່ເກີດຂຶ້ນກັບບ້ານເມືອງໃນຍາມສົງຄາມ, ເປັນປາງບຸນແຫ່ງ ຄວາມສາມັກຄີເປັນນໍ້າໜຶ່ງໃຈດຽວຂອງຊາວເມືອງຄໍາ.

ປີ 2023 ນີ້ ເປັນປີພິເສດ ຄົບຮອບ 55 ປີ ແລະ ຕ້ອນຮັບ ປີ 2024 ປີທ່ອງທ່ຽວລາວ, ເມືອງ ສົມທົບ ກັບແຂວງ ຮ່ວມກັນເປັນເຈົ້າພາບຈັດງານບຸນຄັ້ງນີ້ເຊິ່ງງານບຸນໄດ້ເລີ່ມແຕ່ວັນທີ 16-24 ພະຈິກ 2023 ນີ້.

ວັນທີ 16 ພະຈິກ 2023 ມີການຂາຍເຄື່ອງ, ວາງສະແດງສິນຄ້າ ແລະ ບໍລິການຕ່າງໆ, ວັນທີ 21 ຈະມີການຈັດການແຂ່ງຂັນກິລາ, ຄືນວັນທີ 22-23 ນັບແຕ່ເວລາ 19 ໂມງ ຈະມີການສະແດງສິລະປະ ວັນນະຄະດີ ຈາກບັນດາບ້ານ, ໂຮງຮຽນ, ແຂວງຊຽງຂວາງ ແລະ ສສ ຫວຽດນາມ, ວັນທີ 23 ນັບແຕ່ເວລາ 14 ໂມງ ຈະມີການແຫ່ກອງທານຈາກສໍານັກງານປົກຄອງເມືອງໄປຫາຜາມໄຊນໍ້າປົວ ແລະ ວັນທີ 24 ຊຶ່ງເປັນມື້ສຸດທ້າຍຂອງງານບຸນ, ເວລາ 7:00-8:30 ໂມງ ຈະມີພິທີວາງພວງມາລາ ແລະ ເຂົ້າຮ່ວມປະຊຸມ, ເວລາ 8:30-9:30 ໂມງ ໃສ່ບາດ, ຖວາຍກອງທານ ຖືວ່າຈົບພິທີ.

Related Articles

Leave a Reply