Vientiane Times Lao
ໂຮງຮຽນນາຍສິບທະຫານທ້ອງຖິ່ນໄດ້ຖືກສ້າງຂຶ້ນຢູ່ແຂວງໄຊສົມບູນ

ໂຮງຮຽນນາຍສິບທະຫານທ້ອງຖິ່ນໄດ້ຖືກສ້າງຂຶ້ນຢູ່ແຂວງໄຊສົມບູນ

ໂຄງການກໍ່ສ້າງໂຮງຮຽນນາຍສິບທະຫານທ້ອງຖິ່ນ ແຂວງໄຊສົມບູນ ໄດ້ຈັດຂຶ້ນ ໃນຕອນເຊົ້າຂອງວັນທີ 29 ຕຸລາ 2019 ນີ້, ທີ່ກອງບັນຊາການທະຫານແຂວງ, ເຂົ້າຮ່ວມ ຝ່າຍລາວ ມີທ່ານ ພົນຕີ ສີດາລໍ ຈົງເຕັ່ງເຈຍຊາ, ຮອງຫົວໜ້າກົມໃຫຍ່ ເສນາທິການ ກອງທັບປະຊາຊົນລາວ, ທ່ານ ພອຍຄຳ ຮຸ່ງບຸນຍວງ, ຮອງເລຂາພັກ ແຂວງ-ຮອງເຈົ້າແຂວງໄຊສົມບູນ ແລະ ຝ່າຍຫວຽດນາມ ເຂົ້າຮ່ວມ ມີທ່ານ ພົນຈັດຕະວາ ເຈີນ ຫວໍ ຢູງ, ຫົວໜ້າການເມືອງກອງບັນຊາການທະຫານເຂດ 4 ກອງທັບປະຊາຊົນຫວຽດນາມ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ໂຄງການກໍ່ສ້າງໂຮງຮຽນນາຍສິບທະຫານທ້ອງຖິ່ນ ໄດ້ທຶນຊ່ວຍເຫຼືອຈາກລັດ ຖະບານຫວຽດນາມໄລຍະເວລາໃນການປະຕິບັດໂຄງການແມ່ນ ນັບແຕ່ປີ 2019 ຫາ 2022, ງົບປະມານໃນການກໍ່ສ້າງທັງໝົດ 153.881.000.000 ດົງ (ໜຶ່ງຮ້ອຍ ຫ້າສິບສາມຕື້ ແປດຮ້ອຍແປດສິບເອັດລ້ານ ດົງ) ໃນນັ້ນປະກອບມີທຶນຊ່ວຍເຫຼືອ ຂອງລັດຖະບານຫວຽດນາມ 152.110.385.000 ດົງ (ໜຶ່ງຮ້ອຍຫ້າສິບສອງຕື້ ໜຶ່ງຮ້ອຍສິບລ້ານ ສາມແສນແປດສິບຫ້າພັນ ດົງ), ທຶນສົມທົບຂອງ ຝ່າຍລັດ ຖະບານລາວ 1.770.615.000 ດົງ (ໜຶ່ງຕື້ ເຈັດຮ້ອຍເຈັດສິບລ້ານ ຫົກແສນສິບ ຫ້າພັນ ດົງ) ໂຄງການດັ່ງກ່າວນີ້ ເປັນໂຄງການທີ່ຊ່ວຍເຫຼືອທີ່ບໍ່ຫວັງຜົນຂອງລັດ ຖະບານ ແລະ ກອງທັບປະຊາຊົນຫວຽດນາມ ທີ່ມອບໃຫ້ເປັນຂອງຂວັນກອງ ທັບປະຊາຊົນລາວ, ເພື່ອເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່ ສາມັກຄີພິເສດ ແລະ ການຮ່ວມມືຮອບດ້ານ ຂອງສອງພັກສອງລັດ ກໍ່ຄືສອງກອງ ທັບລາວ ແລະ ຫວຽດນາມ ໃຫ້ໝັ້ນຄົງທະນົງແກ່ນຕະຫຼອດໄປ. ຄະນະດຽວກັນ ຕາງໜ້າຝ່າຍລາວ ແລະ ສສ ຫວຽດນາມ ໄດ້ຂຶ້ນເວທີ ຊ້ວນດິນ ວາງສີລາລຶກ ໂຄງການກໍ່ສ້າງໂຮງຮຽນນາຍສິບທະຫານທ້ອງຖິ່ນ ແຂວງໄຊສົມບູນຢ່າງເປັນທາງ.

ຂ່າວ: ຄຳພັນ

Related Articles

Leave a Reply