Vientiane Times Lao
ໂຮງຮຽນ ມສ ກິນນອນຊົນເຜົ່າ ມິດຕະພາບອານຸວົງ ແຂວງໄຊສົມບູນຮັບສະເພາະນັກຮຽນທີ່ມີຖານະທຸກຍາກຂາດເຂີນ, ເປັນກຳພ້າ, ຂາດທີ່ເພິ່ງພາອາໄສ

ໂຮງຮຽນ ມສ ກິນນອນຊົນເຜົ່າ ມິດຕະພາບອານຸວົງ ແຂວງໄຊສົມບູນຮັບສະເພາະນັກຮຽນທີ່ມີຖານະທຸກຍາກຂາດເຂີນ, ເປັນກຳພ້າ, ຂາດທີ່ເພິ່ງພາອາໄສ

ໂຮງຮຽນ ມສ ກິນນອນຊົນເຜົ່າ ມິດຕະພາບອານຸວົງ ທີ່ເມືອງ ອານຸວົງແຂວງໄຊສົມບູນໄດ້ເປີດສົກຮຽນໃໝ່  2020-2021 ເມື່ອວັນທີ 16 ຕຸລາ 2020 ທີ່ຜ່ານມາ ໂດຍການເຂົ້າຮ່ວມ ຂອງຮອງເຈົ້າແຂວງໄຊສົມບູນ, ຜູ້ຊີ້ນຳວຽກງານວັດທະນະທຳ-ສັງຄົມ ທ່ານ ແດງ ປະທຸມທອງ. ໂຮງຮຽນດັ່ງກ່າວໄດ້ຮັບການຊ່ວຍເຫຼືອຈາກລັດຖະບານ ຫວຽດນາມ ໂດຍຈະຮັບສະເພາະລູກຫລານຂອງພໍ່ແມ່ປະຊາຊົນບັນດາເຜົ່າ ຜູ້ທີ່ດ້ອຍໂອກາດທາງການສຶກສາ ຄອບຄົວທີ່ທຸກຍາກຂາດເຂີນ, ເປັນກຳພ້າ, ກຳພອຍ, ຂາດທີ່ເພິ່ງພາອາໄສ ຢູ່ພາຍໃນແຂວງໄຊສົມບູນ.
ໂຮງຮຽນດັ່ງກ່າວເປັນໂຮງຮຽນທີ່ໄດ້ຮັບທຶນຊ່ວຍເຫລືອລ້າຈາກລັດຖະບານ ສສ ຫວຽດນາມ ຊຶ່ງເລີ່ມລົງມືກໍ່ສ້າງມາແຕ່ ປີ 2016  ໂດຍແມ່ນບໍລິສັດ ຈິດຈະເລີນກໍ່ສ້າງ ຈຳກັດ ເປັນຜູ້ຮັບເໝົາກໍ່ສ້າງ ແລະ ໄດ້ສຳເລັດການກໍ່ສ້າງໃນປີ 2018 ລວມມູນຄ່າໃນການກໍ່ສ້າງທັງໝົດ 88 ຕື້ ກວ່າດົ, ປະກອບມີ: ອາຄານຫ້ອງການສອງຊັ້ນ 1 ຫລັງ, ອາຄານຫ້ອງຮຽນ 2 ຊັ້ນ 1 ຫລັງ, ຫໍພັກນັກຮຽນ 2 ຊັ້ນ 1 ຫລັງ. ນອກນັ້ນ ຍັງມີ ຫໍສະໝຸ, ຫ້ອງອາຫານ, ສະໂມສອນ ແລະ ຍັງມີໂຄງລ່າງພື້ນຖານ-ວັດຖຸ ເຕັກນິກຄົບຊຸດ, ມີຄູສອນທັງໝົດ 11 ຄົນ, ຍິງ 3 ຄົນ, ມີນັກຮຽນທັງໝົດ 154 ຄົນ, ຍິງ 51 ຄົນ ໃນນີ້ ມີນັກຮຽນນອກແຜນ ທີ່ກິນນອກ ນອນນອກ, ໂດຍບໍ່ໄດ້ຮັບເບ້ຍລ້ຽງ ແລະ ນະໂຍບາຍໃດໆ ຈຳນວນ 14 ຄົນ ແລະ ເປີດການຮຽນ-ການສອນຢູ່ໃນຊັ້ນ ມ 1-4.

ຂ່າວ: ບົວຜັນ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ