Vientiane Times Lao
ໂຮງໝໍພາກສະໜາມລ້ານຊ້າງ ມີ 303 ຕຽງນອນເພື່ອຮອງຮັບຜູ້ຕິດເຊື້ອພະຍາດໂຄວິດ-19

ໂຮງໝໍພາກສະໜາມລ້ານຊ້າງ ມີ 303 ຕຽງນອນເພື່ອຮອງຮັບຜູ້ຕິດເຊື້ອພະຍາດໂຄວິດ-19

ໂຮງໝໍພາກສະໜາມລ້ານຊ້າງ ຢູ່ບ້ານດອນກອຍ ເມືອງສີສັດຕະນາກ, ນະຄອນຫຼວງວຽງຈັນ ຊຶ່ງເປັນໂຮງໝໍສ້າງຂຶ້ນເພື່ອຮອງຮັບຜູ້ຕິດເຊື້ອພະຍາດໂຄວິດ-19, ໄດ້ໃຊ້ເວລາໃນການກໍ່ສ້າງ 7 ວັນ ປະກອບມີ 303 ຕຽງນອນ, ແບ່ງອອກເປັນ 2 ເຂດ ຄື: ເຂດ A ມີ 168 ຕຽງໂດຍມີຜູ້ຕິດເຊື້ອເຂົ້າປິ່ນປົວແລ້ວໃນວັນທີ 3 ພຶດສະພາທີ່ຜ່ານມາ ແລະ ເຂດ B ມີ 135 ຕຽງຈະສາມາດຮັບຜູ້ຕິດເຊື້ອເຂົ້າປິ່ນປົວໃນວັນທີ 5 ພຶດສະພາທີ່ຈະມາເຖິງ ນອກນັ້ນຍັງມີຫ້ອງສຸກເສີນເບື້ອງຕົ້ນຂະໜາດ 5 ຕຽງ.
ພິທີມອບ-ຮັບ ແລະ ເປີດນໍາໃຊ້ ໂຮງໝໍດັ່ງກ່າວໄດ້ຈັດຂຶ້ນເມື່ອວັນທີ 3 ພຶດສະພາ 2021 ທີ່ຜ່ານມາ ໂດຍການເຂົ້າຮ່ວມຂອງທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ປະທານຄະນະສະເພາະກິດເພື່ອປ້ອງກັນ ແລະ ຄວບຄຸມການລະບາດຂອງພະຍາດໂຄວິດ ຂັ້ນສູນກາງ.
 ໃນພິທີ ທ່ານກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ປະທານຄະນະສະເພາະກິດເພື່ອປ້ອງກັນ ແລະ ຄວບຄຸມການລະບາດຂອງພະຍາດໂຄວິດ ຂັ້ນສູນກາງ ໄດ້ກ່າວໂດຍມີເນື້ອໃນບາງຕອນທີ່ສໍາຄັນວ່າ: ໃນນາມຄະນະສະເພາະກິດຂັ້ນສູນກາງ ສະແດງຄວາມຂອບໃຈເປັນຢ່າງສູງ ຕໍ່ການປະກອບສ່ວນຂອງບັນດາບໍລິສັດ ທີ່ຮ່ວມກັນໃນການຫັນສະຖານທີ່ດ້ານກິລາໃຫ້ມາເປັນໂຮງໝໍພາກສະໜາມ ເພື່ອຮັບໃຊ້ວຽກງານອັນຮີບດ່ວນ ແລະ ຈໍາເປັນທີ່ສຸດ ທີ່ເກີດຂຶ້ນຢູ່ໃນປະເທດຂອງພວກເຮົາ, ນີ້ສະແດງໃຫ້ເຫັນເຖິງການເສຍສະລະອັນສູງສົ່ງ ການຕື່ນຕົວປະກອບສ່ວນທີ່ສໍາຄັນຂອງຕົນເອງໃນພາລະກິດລວມຂອງບ້ານຂອງເມືອງ , ນີ້ສະແດງໃຫ້ເຫັນຄວາມຮັກຊາດ ຮັກບ້ານເກີດເມືອງນອນ ຮັກລະບອບໃໝ່ຂອງພວກເຮົາໃນການຊ່ວຍເຫຼືອປະຊາຊົນພີ່ນ້ອງຮ່ວມຊາດໃຫ້ຫຼຸດພົ້ນຈາກໄພອັນຕະລາຍ, ຊຶ່ງຜ່ານມາກໍມີຫຼາຍບໍລິສັດໄດ້ໃຫ້ການຊ່ວຍເຫຼືອມາແລ້ວ ຍ້ອນແນວນັ້ນ ຈຶ່ງສະເໜີໃຫ້ພວກເຮົານໍາໃຊ້ສະຖານທີ່ແຫ່ງນີ້ໃຫ້ເກີດປະໂຫຍດສູງສຸດຫຼາຍເທົ່າທີ່ຈະຫຼາຍໄດ້.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ