Visit BigblueAgency
ໂຮງໝໍແຂວງຄໍາມ່ວນ ໄດ້ຮັບເຄື່ອງອຸປະກອນການແພດ ຈາກການຊ່ວຍເຫຼືອຂອງ 3 ບໍລິສັດ ຢູ່ ສປປ ລາວ

ໂຮງໝໍແຂວງຄໍາມ່ວນ ໄດ້ຮັບເຄື່ອງອຸປະກອນການແພດ ຈາກການຊ່ວຍເຫຼືອຂອງ 3 ບໍລິສັດ ຢູ່ ສປປ ລາວ

ໂຮງໝໍແຂວງຄໍາມ່ວນ ໄດ້ຮັບເຄື່ອງອຸປະກອນການແພດທີ່ຈໍາເປັນເຊັ່ນ : ເຄື່ອງຟອກໄຂ່ຫຼັງຈໍານວນ 03 ເຄື່ອງ ແລະ ເຄື່ອງຈັກຜະລິດນໍ້າອາໂອບໍລິສຸດຈໍານວນ 01 ຊຸດ ມູນຄ່າ 84.000 ໂດລາສະຫະລັດ ໂດຍການຊ່ວຍເຫຼືອຂອງ 3 ບໍລິສັດ ຄື : ບໍລິສັດ ເທີນ ຫີນບູນ ພາວເວີ ຈໍາກັດ, ບໍລິສັດ ລັດວິສາຫະກິດ ຖືຫຸ້ນລາວ ຈໍາກັດ ແລະ ບໍລິສັດ ໄຟຟ້ານໍ້າເທີນ 2 ຈໍາກັດ.
ເຄື່ອງຟອກໄຂ່ຫຼັງຈໍານວນ 3 ເຄື່ອງນີ້ ແມ່ນເປັນເຄື່ອງຟອກທີ່ທັນສະໄໝສາມາດຕິດຕາມປະສິດທິພາບໃນການຟອກໄຂ່ຫຼັງແບບ real time ເຊິ່ງເຮົາເອີ້ນວ່າ : OCM ທີ່ຜະລິດຈາກປະເທດເຢຍລະມັນ ຊຶ່ງມີໜ້າທີ່ໃນການຟອກໄຂ່ຫຼັງທີ່ກ້າວໜ້າກວ່າເຄື່ອງຟອກໄຂ່ຫຼັງຍີ່ຫໍ້ອື່ນ.​
ສໍາລັບເຄື່ອງຈັກຜະລິດນໍ້າອາໂອບໍລິສຸດ ແມ່ນເປັນເຄື່ອງມືຜະລິດນໍ້າບໍລິສຸດເພື່ອຮັບໃຊ້ໃນການຟອກໄຂ່ຫຼັງ ເປັນເຕັກໂນໂລຊີທີ່ມີຄວາມທັນສະໄໝຈາກອາເມຣິກາ ຊຶ່ງມີຄວາມອາດສາມາດໃນການຜະລິດນໍ້າອາໂອທີ່ມີຄຸນນະພາບສູງ ແລະ ມີກໍາລັງການຜະລິດສູງສຸດ 700 ລິດຕໍ່ຊົ່ວໂມງ ແລະ ສາມາດສະໜອງນໍ້າໃນການຟອກໄຂ່ຫຼັງໄດ້ພຽງພໍເຖິງ 10 ເຄື່ອງ.
ພິທີມອບ-ຮັບເຄື່ອງດັ່ງກ່າວ ໄດ້ຈັດຂຶ້ນ ເມື່ອບໍ່ດົນມານີ້ ທີ່ໂຮງໝໍແຂວງຄໍາມ່ວນ ໂດຍການເຂົ້າຮ່ວມຂອງ ທ່ານ ວັນໄຊ ພອງສະຫວັນ ເຈົ້າແຂວງໆຄໍາມ່ວນ ພ້ອມດ້ວຍ ບັນດາທ່ານທີ່ຕາງໜ້າໃຫ້ແກ່ບໍລິສັດທີ່ໃຫ້ການຊ່ວຍເຫຼືອ ແລະ ພາກສ່ວນກ່ຽວຂ້ອງເຂົ້າຮ່ວມມອບ-ຮັບເຄື່ອງຄັ້ງນີ້.

ຂ່າວ: ສື່ມວນຊົນແຂວງຄຳມ່ວນ

Related Articles

Leave a Reply