Vientiane Times Lao
ໂຮມຊຸມນຸມສະຫຼອງ ວັນສ້າງຕັ້ງແນວລາວສ້າງຊາດຄົບຮອບ 70 ປີ

ໂຮມຊຸມນຸມສະຫຼອງ ວັນສ້າງຕັ້ງແນວລາວສ້າງຊາດຄົບຮອບ 70 ປີ

ການນໍາພັກ-ລັດ ຈະມີການໂຮມຊຸມນຸມໃຫ່ຍໃນມື້ວັນທີ 13 ສິງຫາ ນີ້ ຢູ່ຫໍປະຊຸມແຫ່ງຊາດເພື່ອສະເຫຼີມສະຫຼອງວັນສ້າງຕັ້ງແນວລາວສ້າງຊາດຄົບຮອບ 70 ປີ (13 ສິງຫາ 1950-13 ສິງຫາ 2020), ຊຶ່ງກິດຈະກໍາໃນມື້ສໍາຄັນດັ່ງກ່າວຈະມີການວາງພວງມາລາຢູ່ອນຸສາວະລີນັກຮົບນິລະນາມ (ດາວແດງ), ວາງກະຕ່າດອກໄມ້ຢູ່ຫໍພິພິທະພັນປະທານສຸພານຸວົງ, ວາງກະຕ່າດອກໄມ້ຢູ່ຫໍພິພິທະພັນປະທານໄກສອນ ພົມວິຫານ, ຮັບຊົມຮູບເງົາ 70 ປີ ແຫ່ງການເຕີບໃຫ່ຍຂະຫຍາຍຕົວຂອງແນວລາວສ້າງຊາດ, ຊົມການສະແດງສີລະປະ, ອ່ານກາບກອນຊົມເຊີຍວັນສ້ງຕັ້ງແນວລາວສ້າງຊາດ 70 ປີ.

ນອກນັ້ນຍັງຈະມີການປະດັບຫຼຽນຄໍາໃຫ້ແກ່ອົງການແນວລາວສ້າງຊາດ, ປະດັບຫຽນໄຊອິດສະຫຼະຊັ້ນ I ໃຫ້ແກ່ທ່ານປະທານສູນກາງແນວລາວສ້າງຊາດ, ປະດັບຫຼຽນໄຊພັດທະນາຊັ້ນ I ໃຫ້ແກ່ນັກທຸລະກິດດີເດັ່ນ ແລະ ໃນຕອນທ້າຍຂອງພິທີຈະ ມີການກ່າວສູນທອນພົດຂອງທ່ານ ບຸນຍັງ ວໍລະຈິດ ເລຂາທິການໃຫ່ຍ, ປະທານປະເທດແຫ່ງ ສປປ ລາວ ແລະ ມີການຖ່າຍຮູບລວມ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ