Visit BigblueAgency
ໄຊຍະບູລີ ມີ​ຜູ້​ເສຍ​ຊີ​ວິດ 2 ຄົນ​ແລ້ວ ​ຍ້ອນ​ໄຂ້​ຍຸງ​ລາຍ

ໄຊຍະບູລີ ມີ​ຜູ້​ເສຍ​ຊີ​ວິດ 2 ຄົນ​ແລ້ວ ​ຍ້ອນ​ໄຂ້​ຍຸງ​ລາຍ

ມາຮອດປະຈຸບັນ ໄຂ້ຍຸງລາຍ ຍັງສືບຕໍ່ແຜ່ລະບາດຢ່າງກວ້າງຂວາງ ເພີ່ມຂຶ້ນເລື້ອຍໆໃນທົ່ວປະເທດ ແລະ ຍັງ​ມີ​ກໍ​ລະ​ນີ​ຜູ້​ເສຍ​ຊີ​ວິດ​ເພີ້ມ​ຂື້ນ​ຢ່າງ​ຕໍ່​ເນື່ອງ, ໂດຍ​ສະ​ເພາະ​ຢູ່​ແຂວງໄຊຍະບູລີ ມີຜູ້ປ່ວຍໄຂ້ຍຸງລາຍແລ້ວ 1.876 ກໍລະນີ ແລະ ​ເສຍ​ຊີ​ວິດ 2 ຄົນ​ແລ້ວ,​ ໃນນັ້ນເສຍຊິວິດໃໝ່ເພີ່ມຂື້ນ 1 ຄົນ (ເພດຍິງ ອາຍຸ 6 ປີ) ໃນວັນທີ 17 ກັນຍາ 2023 ທີ່ບ້ານປາງຄອມ ເມືອງໄຊຍະບູລີ ແຂວງໄຊຍະບູລີ.

ສູນຂ່າວສານການແພດສຸຂະສຶກສາ ລາຍງານໃຫ້ຮູ້ວ່າ: ນັບແຕ່ຕົ້ນເດືອນມັງກອນ 2023 ມາຮອດປະຈຸບັນ, ມີຜູ້ປ່ວຍໄຂ້ຍຸງລາຍສະສົມແລ້ວ 27.056 ກໍລະນີ,​ ໃນ​ນັ້ນ ແຂວງທີ່ມີການແຜ່ລະບາດຫຼາຍກວ່າໝູ່ແມ່ນແຂວງອຸດົມໄຊ 4.956 ກໍລະນີ ແລະ ມີຈຳນວນຜູ້ເສຍຊີວິດແລ້ວ 17ຄົນ (ນະຄອນຫຼວງວຽງຈັນ 2 ຄົນ, ແຂວງຄໍາມ່ວນ 1 ຄົນ, ສະຫວັນນະເຂດ 2 ຄົນ, ບໍລິຄໍາໄຊ 5 ຄົນ, ວຽງຈັນ 2 ຄົນ, ໄຊຍະບູລີ 2 ຄົນ, ອຸດົມໄຊ 1 ຄົນ ແລະ ອັດຕະປຶ 2 ຄົນ).

ຕໍສະພາບການແຜ່ລະບາດພະຍາດໄຂ້ຍຸງລາຍ ດັ່ງກ່າວນັ້ນ ໃຫ້ທຸກຄົນຈົ່ງຊ່ວຍກັນເພີ່ມທະວີມາດຕະການປ້ອງກັນໄຂ້ຍຸງລາຍ ໂດຍສະເພາະໃຫ້ທໍາລາຍແຫຼ່ງເພາະພັນໜອນນໍ້າ ຫຼື ລູກຍຸງລາຍຢູ່ບໍລິເວນເຮືອນໃຫ້ເປັນປະຈໍາ ແລະ ອື່ນໆ.

Related Articles

Leave a Reply