Vientiane Times Lao
ໄດ້ແລ້ວ!!! ໃບຢັ້ງຢືນທົ່ງໄຫຫີນເປັນມໍລະດົກໂລກ

ໄດ້ແລ້ວ!!! ໃບຢັ້ງຢືນທົ່ງໄຫຫີນເປັນມໍລະດົກໂລກ

ອົງການອຸຍແນັດສະໂກ UNESCO ໄດ້ມອບໃບຢັ້ງຢືນທົ່ງໄຫຫີນເປັນມໍລະດົກໂລກໃຫ້ກັບການນຳກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນຕອນເຊົ້າມື້ນີ້ 19 ພະຈິກ 2019 ທີ່ປາຣີ ປະເທດຝຣັ່ງ.

ທົ່ງໄຫຫີນ ແຂວງຊຽງຂວາງຂອງ ສປປ ລາວ ໄດ້ຖືກຮັບຮອງເຂົ້າເປັນ ມໍລະດົກໂລກຢ່າງເປັນທາງການໃນຕົ້ນເດືອນ ກໍລະກົດ 2019 ທີ່ ກອງປະ ຊຸມຄະນະກຳມະການມໍລະດົກໂລກ ຄັ້ງທີ 43 ທີ່ບາກູ, ປະເທດອາແຊັກ ບາຍຊານ. ກອງປະຊຸມດັ່ງກ່າວໄດ້ປະກາດຮັບ ຮອງເອົາແຫຼ່ງທ່ອງທ່ຽວຂອງລາວຄື ທົ່ງໄຫຫີນ ທີ່ແຂວງຊຽງຂວາງເຂົ້າ ໃນບັນຊີເປັນມໍລະດົກໂລກຢ່າງເປັນ ທາງການ ແລະ ມາເຖິງຕອນເຊົ້າຂອງ ມື້ນີ້ໄດ້ມີພີທີມອບຮັບໃບຢັ້ງຢືນທົ່ງໄຫຫີນເປັນມໍລະດົກຢ່າງເປັນທາງການທີ່ນະຄອນປາຣີ ປະເທດຝຣັ່ງ.

ຜູ້ຕາງໜ້າຈາກກົມມໍລະດົກໄດ້ລາຍວ່າ ການຮັບຮອງດັ່ງກ່າວໄດ້ເປັນຫຼັກຖານ ແລະ ປະຊາຊົນລາວໝົດທຸກຄົນ ໂດຍສະເພາະ ພີ່ນ້ອງຊາວຊຽງຂວາງ ມີຄວາມພາກພູມໃຈເປັນຢ່າງຍິ່ງ, ເຊິ່ງເຂົາເຈົ້າໄດ້ຄອງຄອຍມາເປັນເວລາຫຼາຍທົດສະວັດ.

ທົ່ງໄຫຫີນຢູ່ແຂວງຊຽງຂວາງຖືວ່າ ເປັນມໍລະດົກໂລກແຫ່ງທີສາມ ຂອງ ສປປ ລາວ ນັບຈາກນະຄອນຫຼວງ ພະບາງ ແລະ ວັດພູແຂວງຈຳປາສັກ.


ຂ່າວ: ສຸກນີລັນດອນ

ພາບ: ສາລາກະວີ ງົວແລະກວຽນ

Related Articles

Leave a Reply