ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານໃຫ້ຮູ້ໃນວັນທີ 18 ຕຸລາ 2020 ວ່າ: ນັບແຕ່ເດືອນມັງກອນ ປີ 2020 ມາຮອດປັດຈຸບັນ, ທົ່ວປະເທດ ມີຜູ້ຕິດເຊື້ອໄຂ້ຍຸງລາຍເພີ່ມຂຶ້ນທັງໝົດ 7.321 ກໍລະນີ ແລະ ສະເພາະວັນທີ 18 ຕຸລາ 2020 ຜ່ານມານີ້ ມີຜູ້ປ່ວຍໄຂ້ຍຸງລາຍ 5 ກໍລະນີ.
ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ແຈ້ງໃຫ້ຮູ້ຕື່ມອີກວ່າ: ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍ 1.681 ຄົນ, ຖັດລົງມາແມ່ນ ແຂວງບໍລິຄຳໄຊ 847 ຄົນ, ບໍ່ແກ້ວ 701 ຄົນ, ສະຫວັນນະເຂດ 689 ຄົນ, ວຽງຈັນ 688 ຄົນ ແລະ ແຂວງ ອື່ນໆ, ໃນນັ້ນ ເສຍຊີວິດລວມແລ້ວ 12 ຄົນ (ນະຄອນຫຼວງວຽງຈັນ 4 ຄົນ, ແຂວງ ບໍລິຄໍາໄຊ 2 ຄົນ, ຄຳມ່ວນ 02ຄົນ, ໄຊຍະບູລີ 01 ຄົນ, ຊຽງຂວາງ 01 ຄົນ, ສະຫວັນນະເຂດ 01 ຄົນ ແລະ ຜົ້ງສາລີ 01 ຄົນ ).
ສະເພາະການລະບາດໄຂ້ຍຸງລາຍໃນປີ 2019 ຜ່ານມາ, ຖືເປັນປີທີ່ລະບາດໃຫ່ຍ ຢູ່ຂົງເຂດອາຊີຕາເວັນອອກສ່ຽງໃຕ້ ແລະ ສະເພາະ ຢູ່ໃນລາວ ໄດ້ມີການແຜ່ລະບາດໄຂ້ຍຸງຢ່າງກວ້າງຂວາງໃນທົ່ວປະເທດ ເຊິ່ງມີຜູ້ຕິດເຊື້ອໄຂ້ຍຸງລາຍຈຳນວນ 39.000 ຄົນ, ເສຍຊີວິດ 76 ຄົນ.
ຂ່າວ: ວຽງຈັນທາຍ
